नवी मुंबई विमानतळाच्या धावपट्टीची चाचणी आज यशस्वी चाचणी पार पडली. वायुदलाचं सी २९५ विमानाचं यशस्वी लँडिंग करण्यात आल आहे. हे विमानतळ सुरू होण्याच्या दिशेने हे पहिलं पाऊल असल्याचं बोललं जात आहे. दरम्यान मुख्यमंत्री एकनाथ शिंदे यांनी विमातळ कधी सुरू होणार, विमानतळाला कुणाचं नावं देणार, यावर आज प्रतिक्रिया दिली.

नवी मुंबई विमानतळाला दि. बा. पाटील यांचं नाव देण्याची मागणी आहे. त्यावर मुख्यमंत्री यांनी, आम्ही जे बोलतो ते करतो. दि बा पाटील यांनी या गुणपत्रांसाठी संघर्ष केला आहे. त्यांचं योगदान मोठा आहे. इथे हजारो लाखो लोकांना रोजगार मिळाले. इथे आयटी पार्क होतील सेंटर होतील, असं म्हटलं आहे.

आज नवी मुंबईमध्ये अनेक विकास कामांचं लोकार्पण होत आहे. आज आपण तब्बल नऊ वीज प्रकल्प योजनांचे भूमिपूजन आणि लोकार्पण करत आहोत. इथल्या आंतरराष्ट्रीय विमानतळावर युद्ध विमानाचे यशस्वी लँडिंग झालं. दुसरं सुखोई फायटर विमानाचं याचं तिथून उड्डाण झालं.आजचा दिवस सुवर्ण अक्षरात लिहून ठेवावा असा दिवस आहे.मुंबई रायगड ठाणे अशा सर्व जिल्ह्यातील एअर ट्रॅफिक कमी करणारा हा प्रकल्प आहे.

सिडको ने घरे बांधली रस्ते केले मात्र माणुसकी जपण्याचा देखील प्रयत्न केला. सिडको ने इर्शाळवाडीत उत्तम कामगिरी करत त्यांना घरे बांधून दिली. त्या दिवशीची आठवण येता कामा नये अशी घटना घडता कामा नये. सिंघल नाव पण डबल स्पीड ने कामं केलं इर्शाळवाडी तील मुलांना नोकऱ्या दिल्या. सिडको ने घरे बांधली रस्ते बांधले पण माणुसकी सुद्धा जपली. इरशाळवाडीमध्ये दरड कोसळून त्यांचे घर बाधित झाले होते त्यांना सिडको ने घरे बांधून दिली आणि घरांच्या चाव्या सुद्धा दिल्या. इर्शाळवाडीतजी घटना घडली तशी घटना आठवणही वाईट आहे, अशी घटना पुन्हा घडली नाही पाहिजे, असं शिंदे म्हणाले.