प्रवाशांसाठी महत्त्वाची बातमी समोर आली आहे. महिन्याच्या सुरुवातीलाच मध्य रेल्वेने काही तांत्रिक कामांसाठी मेगा ब्लॉक घोषित केला आहे. हा मेगा ब्लॉक २ डिसेंबर ते ३ डिसेंबर, ३ डिसेंबर ते ४ डिसेंबर, ९ डिसेंबर ते १० डिसेंबर आणि १० डिसेंबर ते ११ डिसेंबर असा असणार आहे. उमरमाळी आणि आटगांव स्थानकांदरम्यान विशेष ट्रॅफिक व पॉवर ब्लॉक घेण्यात येणार आहेत. हा मेगा ब्लॉक दुपारी ०२.५५ ते ०४ : १० वाजेपर्यंत असणार आहे.

ब्लॉक का घेण्यात येणार ?

मध्य रेल्वेच्या खर्डी यार्डशी संबंधित २५ केव्ही एसी ओएचई (ओव्हरहेड इक्विपमेंट) कामासाठी उमरमाळी आणि आटगांव स्थानकांदरम्यान मेगा ब्लॉक घेण्यात येणार आहे. हा मेगा ब्लॉक ०२ डिसेंबर ते ३ डिसेंबर, ३ डिसेंबर ते ४ डिसेंबर, ९ डिसेंबर ते १० डिसेंबर आणि १० डिसेंबर ते ११ डिसेंबर रोजी विशेष ट्रॅफिक व पॉवर ब्लॉक परिचालीत करण्यात येणार आहे.

ब्लॉकची वेळ

हा ब्लॉक दुपारी ०२.५५ पासून ते ०४.१० वाजेपर्यंत सुरु राहणार आहे. यादरम्यान अप आणि डाउन नॉर्थ-ईस्ट मार्गावर तानशेत ते खर्डी दरम्यान पॉवर ब्लॉक सेक्शन असणार आहे. तर अप आणि डाउन नॉर्थ-ईस्ट मार्ग उमरमाळी ते आटगांव दरम्यान ट्रॅफिक ब्लॉक सेक्शन असणार आहे. या पॉवर ब्लॉकचा परिणाम लांब पल्ल्यांच्या गाड्यांवर होणार असून त्यांना दुसऱ्या बाजूने वळवण्यात येणार आहेत.

लांबपल्ल्याच्या गाड्यांचे वेळापत्रक :-

• 20104 गोरखपूर – लोकमान्य टिळक टर्मिनस अतिजलद एक्सप्रेसला कसारा येथे दुपारी ०२.४५ ते ०४.१० वाजेपर्यंत नियमन केली जाईल.

• 11002 बल्लारशहा – छत्रपती शिवाजी महाराज टर्मिनस नंदीग्राम एक्सप्रेसला कसारा येथे दुपारी ०३.२३ ते ०४.१५ वाजेपर्यंत नियमन केली जाईल.

• 12174 लोकमान्य टिळक टर्मिनस, मुंबई–प्रतापगड एक्सप्रेस/ 22110 लोकमान्य टिळक टर्मिनस, मुंबई – बल्लारशहा एक्सप्रेस, 12545 लोकमान्य टिळक टर्मिनस, मुंबई – कर्मभूमी एक्सप्रेस, 12152 लोकमान्य टिळक टर्मिनस, मुंबई – शालीमार अतिजलद एक्सप्रेस इगतपुरी येथे ०२.५५ ते ०३.३५ वाजेपर्यंत नियमन केल्या जातील.

• 15101 लोकमान्य टिळक टर्मिनस, मुंबई – छपरा एक्सप्रेस, 12361 आसनसोल – छत्रपती शिवाजी महाराज टर्मिनस एक्सप्रेस, 15547 रक्सौल – लोकमान्य टिळक टर्मिनस एक्सप्रेस, 15267 रक्सौल – लोकमान्य टिळक टर्मिनस, मुंबई एक्सप्रेस इगतपुरी येथे ०३.०५ ते ०३.४० वाजेपर्यंत नियमन केल्या जातील.

• 12112 अमरावती – छत्रपती शिवाजी महाराज टर्मिनस एक्सप्रेस आणि 12106 गोंदिया – छत्रपती शिवाजी महाराज टर्मिनस विदर्भ एक्सप्रेस भुसावळ विभागात २० मिनिटे नियमन केल्या जातील.

पायाभूत सुविधांच्या देखभालीसाठी ब्लॉक्स

याशिवाय कसारा येथून ०३.५१ वाजता सुटणारी कसारा – छत्रपती शिवाजी महाराज टर्मिनस उपनगरी गाडी उशीराने कसारा येथून ०४.२० वाजता सुटणार आहे. मेल/एक्सप्रेस गाड्या, विशेष गाड्या, उशिरा येणाऱ्या गाड्या किंवा नंतर जाहीर करण्यात येणाऱ्या गाड्या यांच्या वेळेत आवश्यकतेनुसार बदल केले जातील. हे ब्लॉक्स पायाभूत सुविधांच्या देखभालीसाठी आणि सुरक्षिततेसाठी अत्यावश्यक आहेत. यामुळे प्रवाशांना होणाऱ्या गैरसोयीबद्दल रेल्वे प्रशासनाने दिलगीरी व्यक्त केली आहे.