Chhota Rajan News: कामगार नेते दत्ता सामंत यांच्या हत्येप्रकरणी गुंड छोटा राजनची निर्दोष मुक्तता करण्यात आली आहे. या प्रकरणात सीबीआय कोर्टाने अनेक वर्षांनी छोटा राजनची निर्दोष मुक्तता केली. दत्ता सामंत यांची गोळ्या झाडून हत्या करण्यात आलेले हे हायप्रोफाईल प्रकरण २६ वर्षे जुने आहे.

या हत्येत छोटा राजनचा पूर्ण सहभाग असल्याचा आरोप होता. सीबीआयने अनेक वर्षे या प्रकरणाचा तपास केला, पण आता ठोस पुरावे न मिळाल्याने छोटा राजनची सुटका करण्यात आली.

फिर्यादीनुसार, १६ जानेवारी १९९७ रोजी दत्ता सामंत हे पवईहून घाटकोपर येथील पंत नगरकडे जात होते. दरम्यान, पद्मावती रोडवरील नरेश जनरल स्टोअरजवळ त्याच्यावर जीवघेणा हल्ला झाला. याच हल्ल्यात त्यांचा मृत्यू झाला.

सीबीआय कोर्टाने सांगितले की, राजेंद्र सदाशिव निकाळजे याने हा कट रचला हे सिद्ध करण्यासाठी रेकॉर्डवर काहीही नाही. या निकालानंतरही या राजनची तुरुंगातून सुटका होण्याची शक्यता नाही. कारण त्याच्यावर विविध शहरांमध्ये डझनभर खटले सुरू आहेत. (Latest Marathi News)

दरम्यान, सामंत यांनी १९८१ मध्ये मुंबईत कापड गिरणी कामगारांचा संप पुकारला होता. सामंत यांची १६ जानेवारी १९९८ रोजी गोळ्या झाडून हत्या करण्यात आली होती, ते त्यांच्या जीपमधून घाटकोपर येथील पंत नगर येथील त्यांच्या कार्यालयाकडे जात होते.

दुचाकीवरून आलेल्या हल्लेखोरांनी १७ राऊंड गोळीबार केला. राजनने हत्येचा कट रचल्याचा दावा फिर्यादी पक्षाने केला आहे. परंतु विशेष न्यायाधीश ए एम पाटील यांनी शुक्रवारी निकाल देताना सांगितले की, राजनने कट रचल्याचे सिद्ध करण्यासाठी रेकॉर्डवर काहीही नाही.