Vikhroli Car Accident: मुंबईच्या विक्रोळीमध्ये झालेल्या भीषण अपघातात (Accident) दोघांचा मृत्यू झाला आहे. तर या अपघातात ७ जण जखमी झाले आहेत. मुंबईच्या विक्रोळी दरम्यान इस्टर्न फ्री-वे वर इनोव्हा गाडीला भीषण अपघात झाला आहे. आज, गुरुवारी मध्यरात्री १ च्या सुमारास हा अपघात घडला आहे. (Mumbai Latest News)

या गाडीमधील सर्वजण हे भिवंडी येथील ढाब्यावर जेवणासाठी निघाले होते. यावेळी मुंबईच्या विक्रोळी (Vikhroli) दरम्यान इस्टर्न फ्री-वे वर इनोव्हा गाडीच्या चालकाचे गाडीवरील नियंत्रण सुटल्याने आणि गाडी सर्विस रोडवरील झाडावर जाऊन आदळली. मुंबई नियंत्रण कक्षातर्फे या घटनेची माहिती मिळाल्यानंतर विक्रोळी पोलिसांनी घटनास्थळी धाव घेतली. या अपघातात शाहिद सलिम कुरेशी वय १८, आणि जुनेद सलीम कुरेशी वय २६ या दोन तरुणांचा मृत्यू झालेला आहे.

दरम्यान अपघातात आमान अब्दुल गफार कुरेशी-१९, साजिद अनिस अहेमद अन्सारी-१५, शाहिद मो. सलीम कुरेशी-१८, आयान कुरेशी-१८, कैफ शरीफ कुरेशी-१७, शाहिद अहमद अनीस अन्सारी-१७, अलीम जाकीर कुरेशी-२१ हे जखमी झालेले आहेत. ही सर्व मुलं कुर्लाच्या कुरेशी नगरमधील राहणारी असल्याची माहिती तपासात समोर आली आहे.

Edited By - Akshay Baisane