Chhagan Bhujbal Death threat saam tv
मुंबई/पुणे

Chhagan Bhujbal Threat: मोठी बातमी! कॅबिनेट मंत्री छगन भुजबळ यांना जीवे मारण्याची धमकी; राजकीय वर्तुळात खळबळ

Chhagan Bhujbal Death threat: युती सरकारमधील कॅबिनेटमंत्री छगन भुजबळ यांना जीवे मारण्याची धमकी मिळाली आहे.

Satish Daud

Death threat to Chhagan Bhujbal: राज्याच्या राजकीय वर्तुळातून एक मोठी बातमी समोर आली आहे. युती सरकारमधील कॅबिनेटमंत्री छगन भुजबळ यांना जीवे मारण्याची धमकी देण्यात आली आहे. एका अज्ञात व्यक्तीने भुजबळ यांच्या मुंबईतील कार्यालयात फोन करून आपल्याला सुपारी मिळाल्याचा दावा केला आहे. यासंदर्भातील ऑडिओ क्लिप देखील समोर आली आहे.

छगन भुजबळ यांना जीवे मारण्याची (Death Threat) धमकी येताच राजकीय वर्तुळात मोठी खळबळ उडाली आहे. कॅबिनेट मंत्री छगन भुजबळ सध्या पुणे दौऱ्यावर आहेत. सोमवारी रात्री साडेअकरा वाजेच्या सुमारास त्यांच्या मुंबईतील कार्यालयात एका अज्ञात व्यक्तीचा फोन आला.

यावेळी अज्ञात व्यक्तीने आपल्याला छगन भुजबळ (Chhagan Bhujbal) यांना जीवे मारण्याची सुपारी मिळाली असल्याचा दावा केला. मी सर्व काम सांगून करतो. उद्या सकाळी छगन भुजबळ यांना मी मारणार, अशी धमकी अज्ञात व्यक्तीने फोनवरून दिली.

इतकंच नाही तर या व्यक्तीने फोनवरून आपलं नाव देखील सांगितलं. दरम्यान, या घटनेनंतर पोलिसांत (Police) तक्रार दाखल करण्यात आली असून पोलिसांनी घटनेचा तपास सुरू केला आहे. गेल्या काही दिवसांपासून राज्यातील राजकीय नेत्यांना जीवे मारण्याच्या धमक्या मिळत आहे.

काही दिवसांपूर्वी राष्ट्रवादीचे सर्वेसर्वा शरद पवार यांना ट्वीटरवरून एका व्यक्तीने जीवे मारण्याची धमकी दिली होती. त्यानंतर शिवसेना ठाकरे गटाचे खासदार संजय राऊत यांना सुद्धा धमकीचा फोन आला होता. आता छगन भुजबळ यांनाही जीवे मारण्याची धमकी मिळाल्यानंतर राज्यात कायदा आणि सुव्यवस्थेचा प्रश्न निर्माण झाला आहे.

Edited by - Satish Daud

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Weather Update: अचानक गायब झालेला मान्सून धो धो बरसतोय! कोणत्या जिल्ह्यांना धोका?

Mumbai Crime : तरुणीने डेटिंग ॲपवरून ओळख केली; हॉटेलमध्ये एकटं बोलावलं अन्...; बोरिवलीतील तरुणासोबत घडला भयंकर प्रकार

Maharashtra Live News Update : नाशिकच्या इगतपुरीत दरड कोसळली, आदिवासी पाड्यांचा संपर्क तुटला

Nashik Crime News: नाशिकमध्ये चड्डी गँगचा कहर; घरात घुसून ४ तोळे सोनं लंपास| VIDEO

Israel : इराणनंतर इस्रायलचा येमेनवर हल्ला, येमेनची 3 प्रमुख बंदरं उद्ध्वस्त

SCROLL FOR NEXT