Vasai Breaking News | वसई: वसईतील वाकीपाडा परिसरातील एका कंपनीत आज, बुधवारी दुपारच्या सुमारास भीषण स्फोट झाला. बॉयलरचा स्फोट झाल्याची प्राथमिक माहिती आहे. या स्फोटात तीन जणांचा मृत्यू झाला आहे. तर या घटनेत ७ जण गंभीर जखमी झाले आहेत, असे सांगण्यात येत आहे. या घटनेनंतर अग्निशमन दलाचे जवान घटनास्थळी पोहोचले आहेत.

वसईतील (Vasai) वाकीपाडा परिसरात ही दुर्घटना घडली. येथील जुचंद्र वाकीपाडा कॉस पॉवर कंपनीत भीषण स्फोट (Blast) झाला. दुपारी साधारण दीड वाजता ही घटना घडली. बॉयलरचा स्फोट झाल्याची प्राथमिक माहिती समजते. या स्फोटात तीन जणांचा मृत्यू झाल्याची माहिती आहे. तर सात जण जखमी झाले आहेत. या घटनेची माहिती मिळताच, वसई पालिकेच्या अग्निशमन दलाच्या जवानांनी घटनास्थळी धाव घेतली.

नायट्रॉजन सिलेंडरचा स्फोट झाल्यामुळे हा भीषण घटना घडली आहे. या घटनेत ३ जण ठार झाले आहेत. तसेच ७ जण जखमी झाले आहेत, अशी प्राथमिक माहिती मिळाली आहे. स्फोट भीषण असल्यामुळे या जखमींची संख्या वाढण्याची शक्यता आहे. या घटनेमुळे परिसरात एकच खळबळ उडाली आहे.