मुंबईत जमिनींना सोन्याचा नाहीतर, हिऱ्यांचा भाव आहे, असं म्हटलं तर वावगं ठरणार नाही. ड्रीम सिटी मुंबईतील जमिनींच्या किमतीचा अंदाज नुकत्याच झालेल्या एका व्यवहारातून तुम्हाला येईल. बॉम्बे डाइंगने मुबंईच्या इतिहासातील सर्वात मोठा जमीन व्यवहार केला आहे . वरळीतील आपली जमीन बॉम्बे डाइंड जपानच्या सुमितोमो रिएल्टी अँड डेव्हलपमेंट कंपनीला विकणार आहे.
वरळीतील या भूखंडाच्या विक्रीतून बॉम्बे डाईंगला ५२०० कोटी रुपये मिळणार आहेत. वाडिया ग्रुपच्या बॉम्बे डाईंगने गुरूवारी आपल्या एक्सचेंज फाइलिंगमध्ये ही माहिती दिली आहे.
करारानुसार, सुमितोमोची उपकंपनी (Company) गोइसू या डीलसाठी दोन टप्प्यांत पैसे देणार आहे.निवेदनानुसार बॉम्बे डाइंगच्या संचालक मंडळाची बुधवारी या कराराला मंजुरी देण्यासाठी बैठक झाली. हा करार आता शेअर होल्डरच्या मंजुरीसाठी प्रलंबित आहे. त्यांच्या मंजुरीनंतर हा करार पूर्ण करण्याच्या दिशेने पावले उचलली जातील.
बॉम्बे डाइंग या करारातून मिळालेला पैसा (Money) कर्ज (Loan) फेडण्यासाठी आणि भविष्यातील प्रोजेक्ट पूर्ण करण्यासाठी वापरेल. या बातमीमुळे गुरूवारी बॉम्बे डाइंगच्या शेअर्समध्ये मोठी उसळी पाहायला मिळाली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.