अजित पवार यांच्या विमान अपघाताविषयी मोठी अपडेट समोर आली आहे. विमान अपघाताचा प्राथमिक अहवाल येत्या २८ तारखेला येणार आहे. विमानातील ब्लॅकबॉक्स सुरक्षित असल्याची माहिती हाती आली आहे. तर थर्मल काही प्रमाणात जळला आहे. ब्लॅकबॉक्स ज्या परदेशी कंपनीचा आहे, त्या कंपनीचा असिस्टंटला तपासासाठी बोलावल्याती माहिती सूत्रांनी दिली आहे.

अजितदादांच्या अपघातावरून नवनवीन माहिती समोर येत आहे. अजितदादांचा घातपात झाल्याचा संशय रोहित पवारांनी व्यक्त केला आहे. रोहित पवार यांनी दिल्लीतही पत्रकार परिषद घेत विमान अपघातावरून अनेक माहिती सादर केली. आमदार रोहित पवार यांनी केंद्रीय मंत्री राम मोहन नायडू यांचा राजीनाम्याची मागणी केली. आमदार रोहित पवारांच्या आरोपानंतर केंद्रीय मंत्री मुरलीधर मोहोळ यांनी यावर मोठं भाष्य केलं आहे.

केंद्रीय मंत्री मुरलीधर मोहोळ यांनी अजितदादांच्य विमान अपघातावर भाष्य केलं. केंद्रीय मंत्री मुरलीधर मोहोळ यांनी भाष्य केलं आहे की, 'एक महिन्याच्या आत म्हणजे मला वाटतं साधारण २८ तारखेआधी प्राथमिक अहवाल येईल'.

तपास यंत्रणावर मुरलीधर मोहोळ काय म्हणाले?

'स्पष्ट स्वरूपात डीजीसीए (संस्था) यांनी प्रसिद्धीपत्र दिलं आहे. त्यामध्ये सविस्तर खुलासा केलेला आहे. तपास यंत्रणा काम करत आहे. डीजेसीएच्या माध्यमातून तपास कार्य चालू होतं. त्याच वेळोवेळी आमच्याकडून प्रसिद्धीच्या माध्यमातून आणि एक महिन्याच्या प्राथमिक अहवाल त्याच्यामध्ये येईल हे स्पष्ट केलेले आहे. त्या ठिकाणी जे दिलंय, त्याच माध्यमातून आम्ही लोकांच्या समोर ठेवलेलं आहे, असे मुरलीधर मोहोळ यांनी सांगितले.