कल्याण-डोंबिवली महापालिका निवडणुकीच्या रणधुमाळीला आता रक्तरंजित वळण लागलयं... डोंबिवली पूर्वेतील तुकारामनगरमध्ये पैसे वाटपाच्या संशयावरून भाजप आणि शिंदेसेनेच्या कार्यकर्त्यांमध्ये तुंबळ हाणामारी झालीय... या राड्यात भाजप उमेदवाराच्या पतीवर कोयत्यानं हल्ला झाल्याचा आरोप असून दोन्ही बाजूचे 4 जण गंभीररित्या जखमी झालेत... त्यामुळे भाजप आणि शिंदेसेनेत आरोप-प्रत्यारोपाच्या फैरी झडतायत...

डोंबिवलीत प्रभाग क्रमांक 29 मध्ये भाजप- शिंदेसेनेत युती नसल्यानं दोन्ही पक्ष आमनेसामने आले... 11 जानेवारीला शिंदेसेनेनं भाजप कार्यकर्त्यांवर पैसे वाटपाचा आरोप करत चार जणांना रंगेहात पकडून पोलिसांच्या ताब्यात दिलं होतं... त्यानंतर ठोस कारवाई न झाल्यानं 12 जानेवारीला शिंदेसेना आक्रमक झाली... त्यानंतरच भाजप आणि शिंदेसेनेच्या कार्यकर्त्यांमध्ये तुंबळ हाणामारी झाली....

कल्याण-डोंबिवलीत भाजप आणि शिंदेसेनेतील हा वाद नवा नाही... राज्याच्या राजकारणात हे दोन्ही मित्रपक्ष असले तरी डोंबिवलीत वर्चस्वाच्या लढाईत अनेकदा दोन्ही पक्षांमध्ये वादाची ठिणगी पडलीय. भाजप प्रदेशाध्यक्ष रवींद्र चव्हाण आणि खासदार श्रीकांत शिंदे यांच्यात शहरातील विकासकामाच्या श्रेयवादावरून अनेकदा शीतयुद्ध रंगलयं...अशातच प्रभाग क्रमांक 29 मध्ये झालेल्या राड्यानं कल्याण-डोंबिवलीत महायुतीतील अंतर्गत वाद चव्हाट्यावर आलाय... निकालानंतर हा वाद नेमकी कुठली परिसीमा गाठतो? हे पाहणं महत्त्वाचं ठरणार आहे....