मावळ - मी सामना वाचत नाही आणि सामनाची दखल देखील मी घेत नाही अशा शब्दात भाजपा प्रदेशाध्यक्ष चंद्रकांत पाटील (Chandrakant Patil) यांनी सामनाच्या रोखठोक मध्ये राज्यसभा निवडणुकांनंतर फडणवीस आणि भाजपवर (BJP) केलेल्या टीकास्त्रावर उत्तर दिले. तर दुसरीकडे  भाजपने विधान परिषद निवडणुकीत पंकजा मुंडे (Pankaja Munde)यांना डावलल्याबद्दलही सामनातून टोमणे मारण्यात आलेत.

हे देखील पाहा -

यावर बोलताना चंद्रकांत पाटील म्हणाले की, भाजपा हे पंकजा मुंडे यांची काळजी घेण्यासाठी समर्थ आहेत. पंकजा मुंडे या भाजपाच्या प्रत्येक नेत्याची मुलगी आहे. त्यामुळे आम्ही काळजी घ्यायला समर्थ आहोत. बाकी कोणी त्यांची काळजी करण्याची गरज नाही अशा शब्दात चंद्रकांत पाटील यांनी सामनातून केलेल्या टीकेला उत्तर दिले आहे.

चंद्रकांत पाटील यांनी सुप्रिया सुळे यांच्यावर देखील नाचता येईना आंगन वाकड़ अशी टिका केली आहे. त्यांना पराभव आधी दिसला होता. त्यामुळे त्याची स्क्रिप्ट आधीच करण्यात आली होती. त्यानंतर सगळे त्या स्क्रिप्टनुसार बोलतात. त्यांच चांगल आहे की आपआपसात भांडण जरी असली तरी दिवसभर सगळे एकच वाक्य बोलत असतात. अशा शब्दत मवीआ सरकार वर त्यांनी टिका केली.चंद्रकांत पाटील हे देहू मध्ये चौदा तारखेला पंतप्रधान नरेंद मोदी येणार आहे. त्याची पाहणी करीत आले होते. दरम्यान मुख्य मंदिरात त्यांनी तुकाराम महाराज यांचेही दर्शन घेतले.