- सचिन कदम

Mahad News : कशेडी बोगद्याचे काम करणाऱ्या शिंदे डेव्हलपर्स कंपनीने २६ लाख रुपयांचा कर थकविला आहे. या थकबाकीची वसूली व्हावी यासाठी भोगाव खुर्द ग्रामपंचायतीने कंपनीच्या प्लँटला सिल ठोकले आहे. या कारवाईची ग्रामपंचायत परिसरात जाेरदार चर्चा सुरु आहे. (Maharashtra News)

मुंबई गोवा महामार्गावरील (mumbai goa highway) कशेडी बोगद्याचे काम शिंदे डेव्हलपर्स प्रायव्हेट लिमिटेड ही कंपनी करत आहे. या कंपनाने ग्रामपंचायतीच्या जागेवर त्यांचे प्लँट उभे केले आहेत. दरम्यान कंपनीने 26 लाख रुपयांचा कर थकवल्याचा दावा ग्रामपंचायतीने केला आहे.

ग्रामपंचायत सदस्य सुरेश कदम साम टीव्हीशी बाेलताना म्हणाले शिंदे डेव्हलपर्स कंपनीने वापरलेल्या जागेसाठीचा कर भरण्यासाठी ग्रामपंचायतीने वारंवार पाठपुरावा केला. परंतु कंपनीने त्याची दखल घेतली नाही.

त्याच बरोबर बोगद्याच्या जोड रस्त्याच्या कामांमुळे गावातील अंतर्गत रस्ते आणि नळपाणी पुरवठा योजना बाधित झाली होती. त्याचीही भरपाई कंपनीने केली नसल्यामुळे ग्रामपंचायतीने पोलादपूरमधील प्लॅंटला सिल ठाेकरे आहे.

Edited By : Siddharth Latkar