राज्यात मुंबई आंतरराष्ट्रीय विमानतळाच्या (Mumbai International Airport) नामकरणाचा मुद्दा सध्या शिगेला पोहचला आहे. विमानतळाच्या नामकरणासाठी अनेक नावे समोर येत होती. पण छत्रपती शिवाजी महाराजांचेच (Chatrpati Shivaji Maharaj Internation Airport) नाव विमानतळाला देण्याची मागणी राज्यात वाढू लागली आहे. याबाबत भाजपाचे नगरसेवक भालचंद्र शिरसाट (BJP Leader Bhalchandra Shirsat) यांनी ट्विट करत अदानी समुहाला इशारा दिला आहे. (Bhalchandra Shirsat warned the Adani group about the name of Mumbai Airport.)

दोन दिवसांपुर्वी विमानतळाबाहेर लावण्यात आलेला अदानींच्या नावाचा नामफलक आक्रमक शिवसैनिकांनी तोडला. यामुळे हे प्रकरण अधिकच चिघळल्याचे दिसत आहे. त्यानंतर आता ''छत्रपती शिवाजी महाराजांच्या नामकरणाबाबत कोणतीही तडजोड अथवा अक्षम्य दिरंगाई आम्ही सहन करणार नाही. मग तो उड्डाणपूल असो की विमानतळ ! अडाण्यांनी याबाबत शहाणपणा करू नये हा इशारा !'' असे ट्वित करत भालचंद्र शिरसाट यांनी अदानी समुहाला इशारा दिला आहे.

दरम्यान, नवी मुंबई आंतरराष्ट्रीय विमानतळाला दि. बा. पाटील (D. B. Patil), हिंदूह्रदयसम्राट बाळासाहेब ठाकरे (Balasaheb Thackeray) आणि छत्रपती शिवाजी महाराज यांचे नाव देण्यासाठी बराच वादंग महाराष्ट्रात पाहायला मिळाला. मुंबई आंतरराष्ट्रीय विमानतळाला दि. बा. पाटील यांचे नाव देण्यासाठी काही दिवसांपुर्वी प्रकल्पग्रस्त भूमिपुत्रांनी आंदोलनही केले. तर महाराष्ट्र नवनिर्माण सेनेचे अध्यक्ष राज ठाकरे यांनी काही दिवसांपुर्वी दिलेल्या एका मुलाखतीत विमानतळाला छत्रपती शिवाजी महाराजांचेच नाव लागावे, अशी ठाम भुमिका मांडली होती.

Edited By- Anuradha