अक्षय बडवे

Pune Crime News In Marathi

विद्येच्या माहेरघरात धक्कादायक प्रकार घडला आहे. बांगलादेशातील एका 17 वर्षीय अल्पवयीन मुलीला ब्युटी पार्लरमध्ये नोकरी देण्याचं आमिष दाखवून कुंटणखान्यात विक्री केल्याचा धक्कादायक प्रकार समोर आला आहे. या घटनेने परिसरात एकच खळबळ उडाली आहे. या प्रकरणी दोन महिलांसह तिघांविरोधात गुन्हा दाखल करण्यात आला आहे. (Latest Marathi News)

मिळालेल्या माहितीनुसार, बांगलादेशातील एका 17 वर्षीय अल्पवयीन मुलीला बेकायदेशीररित्या भारतात आणून पुण्यातील बुधवार पेठेतील कुंटखान्यात विक्री केल्याची खळबळजनक प्रकार समोर आला आहे.

पुण्यातील फरासखाना पोलीस ठाण्याच्या हद्दीत हा प्रकार घडला आहे. या गुन्ह्यात दोन महिलांसह तिघांचा सामावेश असल्याचे पोलीस तपासात उघड झाले आहे. पोलिसांनी तिघांवर गुन्हा दाखल केला आहे.

काय आहे प्रकरण?

बांगलादेशातील तरुणी अल्पवयीन आहे. दलाल महिला मारिया उर्फ सोनी आणि एका नेपाळी पुरुषाने मुलीला पार्लरमध्ये काम देण्याचं आमिष दाखवलं. या मुलीला खोटे सांगून भारतात आणण्यासाठी तयार केलं. त्यानंतर दोघांनी या मुलीच्या अज्ञानाचा फायदा घेत तिला बेकायदेशीररित्या भारतात आणले.

या अल्पवयीन मुलीला दोघांनी बुधवार पेठेत आणून कुंटणखाना चालवणाऱ्या डोलमा राजू तमांग या महिलेला विकलं. त्यानंतर या तरुणीला जबरदस्तीने वेश्याव्यवसाय करण्यास भाग पाडले. दरम्यान, फरासखाना पोलिसांनी याप्रकरणी गुन्हा केला आहे. या प्रकरणाचा पुढील तपास सुरू आहे.