Who is Tushar Apte, an corporator : बदलापुरातील बाल लैंगिक अत्याचार प्रकरणातील सहआरोपीची भाजपने स्वीकृत नगरसेवकपदी नियुक्ती केलीय.. आरोपी तुषार आपटेला स्वीकृत नगरसेवकपद दिल्याने नवा वाद निर्माण झालाय. या निर्णयामुळे राजकीय वर्तुळ आणि लोकवर्गामध्ये संताप उभा राहिला आहे. या निर्णयामुळे मोठा राजकीय वाद निर्माण झाला आहे. नागरिक आणि विरोधकांकडून तीव्र संताप व्यक्त केला जात आहे.

(Badlapur rape case co-accused appointed as BJP corporator)

अक्षय शिंदेच्या चौकशीनंतर शाळा व्यवस्थापनातील काही सदस्यांवर गुन्हा दाखल करण्यात आला होता. तर सूत्रांच्या माहितीनुसार, नगरपालिका निवडणुकीत तुषार आपटे यांनी भाजपसाठी मोठा प्रचार केला आणि त्याचे बक्षीस म्हणून स्वीकृत नगरसेवकपद दिले गेले. मात्र या निर्णयामुळे भाजपच्या प्रतिमेला मोठा धक्का बसण्याची शक्यता वर्तवली जात आहे.

बदलापूरच्या नामांकित शाळेत दोन चिमुकलींवर झालेल्या लैंगिक अत्याचार प्रकरणात सहआरोपी असलेले शाळेचे सचिव तुषार आपटे यांची भाजपने स्वीकृत नगरसेवक म्हणून नियुक्ती केलीय. बदलापूरमधील एका नामवंत शाळेत ऑगस्ट 2024 मध्ये सफाई कर्मचाऱ्याने 4 वर्षांच्या दोन मुलींवर लैंगिक अत्याचार केले होते. वैद्यकीय अहवालात एका मुलीच्या गुप्तांगाला दुखापत झाल्याचं समोर आलं. त्यानंतर 16 ऑगस्ट रोजी त्या पीडित मुलीचे कुटुंबीय अहवाल घेऊन शाळेत गेले, मात्र शाळेने सर्व आरोप फेटाळून लावले होते. त्यानंतर याप्रकरणी पोलिसांनी 11 तासानंतर शाळेचा सफाई कर्मचारी अक्षय शिंदे याच्यावर गुन्हा दाखल केला होता.

अक्षय शिंदे याचा पोलिसांच्या एनकाऊन्टरमध्ये मृत्यू झाला. या घटनेनंतर बदलापूर शहरात मोठं जन आंदोलन करण्यात आलं होतं. त्यानंतर शाळेच्या विश्वस्तांविरोधात गुन्हे दाखल करण्यात आले होते. तुषार आपटे या शाळेचे सचिव आहेत. त्यांनाच आता भाजपने स्वीकृत नगरसेवकपदी नियुक्त केलय.