मुंबई: पोलीस भरतीत सहभागी होण्यासाठी बोगस उमेदवार पाठवल्याचे आणखी एक प्रकरण समोर आले आहे. मुंबई पोलीस भरतीमध्ये डमी उमेदवार पाठवल्याचा आणखी एक प्रकार समोर आला आहे. भोईवाडा पोलीस ठाण्यात औरंगाबाद आणि पुणे येथील दोन तरुणांवर नोंदवला गुन्हा दाखल करण्यात आला आहे (Another case of sending dummy candidate in police recruitment exam happen in Mumbai).

सोपन शेलार आणि ज्ञानेश्वर गोवळकोंडा अशी या तरुणांची नावे आहेत. सोपन याने लेखी परिक्षेसाठी (Exam) कागदपत्रांची पूर्तता केली. मात्र, दुसऱ्या दिवशी ओळखपत्रावर ज्ञानेश्वर याचा फोटो लावून लेखी परीक्षेसाठी शेलार याने ज्ञानेश्वरला पाठवले. सोपन याला कांदिवली स्टेशनजवळ बजाज बीएमसी स्कूल हे सेंटर मिळाले होते.

मात्र, कागदपत्रांच्या पडताळणीत ही बाब समोर आल्यानंतर पोलिसांनी (Police) गुन्हा दाखल करत तपासाला सुरुवात केली आहे. या प्रकरणी भोईवाडा पोलिसांनी सोपान शेलार याला अटक केली आहे. तर ज्ञानेश्वर गोवळकोंडा याचा शोध पोलीस घेत आहेत.

यापूर्वीही अशा प्रकारचे 8 गुन्हे नोंदवण्यात आले आहेत. 'साम टीव्ही'ने ही बातमी सर्व प्रथम दाखवल्यानंतर गृहमंत्री दिलीप वळसे पाटील (Dilip Walse Patil) यांनी या प्रकरणाची गंभीर दखल घेतली होती.

Edited By - Nupur Uppal