मुंबई महापालिकेच्या निवडणुकीचा प्रचार शिगेला पोहोचलाय.. त्यातच तामिळनाडू भाजपचे नेते अन्नामलाईनं मुंबई महाराष्ट्राची नसल्याचं वक्तव्य करुन थेट मराठी माणसाच्या अस्मितेलाच धक्का लावलाय.... एन निवडणुकीच्या तोंडावर भाजप नेत्यानं असं वक्तव्य केल्यानतर ठाकरेंच्या मुंबईतल्या संयुक्त सभेत त्याचा उल्लेख अपेक्षितच होता, साहजिकच ठाकरे बंधूनी आपल्या सभेतून अन्नामलाईच्या वक्तव्याचा चांगलाच समाचार घेतलाय...

एवढंच नाही तर मुंबई महाराष्ट्राची नाही हे वक्तव्य करणाऱ्या अन्नामलाईनं आता पुन्हा मी मुंबईला येतोय, माझे पाय छाटून दाखवा, असं म्हणत मराठी अस्मितेला आव्हान दिलंय..

काय म्हणाले अन्नामलाई?

मला धमकावणारे आदित्य ठाकरे, राज ठाकरे हे दोघे कोण?

मी शेतकऱ्याचा मुलगा असून अशा धमक्यांना घाबरत नाही

मी मुंबईत नक्की येणारेय, हिंमत असेल तर पाय कापून दाखवा

जर मी अशा धमक्यांना घाबरलो असतो, तर आज राजकारणात नसतो

केवळ मला शिव्या देण्यासाठी सभेचं आयोजन

दुसरीकडे राज ठाकरे आणि उद्धव ठाकरेंनी अन्नामलाईबद्दल केलेल्या वक्तव्याचा निषेध करण्यासाठी भाजप आमदार तमिळ सेल्वन आणि डी राजा यांनी आंदोलनाचा इशारा दिलाय...

खरं तर मुंबईतल्या 4 लाख दक्षिण भारतीय मतदारांसाठी अन्नामलाई आले आणि बरळले.मुंबईत येऊन त्यांनी मुंबईकरांची कुरापत काढली..आधी कृपाशंकर सिंह आणि आता अन्नामलाई.. यांची अशी मुक्ताफळं म्हणजे मराठी माणसाच्या मनावरचा घाव आहे. मराठी माणूस अशा नेत्यांना 15 तारखेला कोणती जागा दाखवतो हे पाहणं महत्वाचं ठरेल