मुंबई: ईडीने (ED) मुंबई उच्च न्यायालयात (Mumbai High court) सादर केलेल्या प्रतिज्ञापत्रात अनिल देशमुख हेच या प्रकरणातील मुख्य आरोपी असल्याचं म्हटलं आहे. वसुलीतून जमा केलेले पैसे देशमुख यांनी बोगस कंपन्यांद्वारे वळवल्याचे तपासात समोर आले आहे. तर भ्रष्टाचाराच्या पैशांचा स्रोत याबाबत देशमुखांनी असमाधानकारक उत्तरं दिली आहेत. या प्रकरणाचे ईडीचे तपास अधिकारी तासिन सुलतान यांच्या पथकाने ५६ पानांचे हे प्रतिज्ञापत्रक मुंबई उच्च न्यायालयात सादर केले आहे.

या पत्रात देशमुखांचा अधिकाऱ्याच्या बदली प्रकरणातही थेट संबध असल्याचे नमूद करण्यात आले आहे. देशमुख हे महाराष्ट्र राज्याचे गृहमंत्री राहिलेले आहेत. यामुळे देशमुखांची सुटका झाल्यास ते राजकिय वजन वापरून पुराव्यांशी छेडछाड करू शकतात असाही अंदाज ईडीने वर्तवला आहे. तसेच देशमुख हे तपासाही सहकार्य करत नसल्याने त्यांना जामीन देऊ नये असे ईडीने प्रतिज्ञापत्रात म्हटले आहे.

Edited By: Pravin Dhamale