मुंबई: अनेक दिवसांपासून नॉट रीचेबल असलेले माजी गृहमंत्री अनिल देशमुख ED कार्यालयात दाखल झाले आहेत. अनिल देशमुख यांच्यावर 100 कोटी वसुलीचा आरोप आहेत. अनेक समन्स देऊनही देशमुख ED कार्यालयात हजार राहत नव्हते. अखेर अनिल देशमुख ED कार्यालयात हजर राहिले आहेत. 100 कोटींच्या वसुली प्रकरणामध्ये माजी गृहमंत्री तसेच राष्ट्रवादी काँग्रेसचे नेते NCP Leader अनिल देशमुख यांना ईडीने आतापर्यंत 5 वेळा समन्स दिला असताना देखील ते चौकशीसाठी हजर राहिले नव्हते. कायद्यानुसार अन्य पर्यायांचा विचार करत असल्याच कारणं देत त्यांनी चौकशीला हजर राहण्यास नकार दिला होता.

दरम्यान ईडी कडून पाठविन्यात आलेल्या समन्स पैकी एका समन्सचा स्वतः अनिल देशमुखांनी स्वीकार केला तर बाकीच्या समन्स त्यांचा वकील Lawyer आणि कुटुंबियांनी स्वीकार केला होता. समन्सचा स्वीकार करून देखील अनिल देशमुख हे ईडी समोर हजर झाले नाही म्हणून आईपीसी IPC कलम 174 अंतर्गत त्यांच्यावर गुन्हा नोंद आहे. दरम्यान देशमुख चौकशी संदर्भात सहकार्य आणि उपस्थित राहत नसल्याने त्यांच्या विरोधात आता चीफ मेट्रोपोलिटन मजिस्ट्रेट कोर्टाने समन्स देखील जारी केला होता.

मध्यंतरीच्या काळात अनिल देशमुख यांचा पत्ता जाणून घेण्यासाठी सीबीआयने एक नवीन शक्कल लढवली होती. देशमुख यांच्या नागपुरातल्या घरी सीबीआयचे पथक दाखल झाले होते. एकूण ५ ते ६ अधिकारी देशमुख यांच्या घरी दाखल झाले होते. सकाळी आठच्या सुमारास सीबीआयचे पथक देशमुख यांच्या नागपूर येथील निवास्थानी दाखल होते. त्यांच्याकडे अनिल देशमुख यांचा मुलगा सलील देशमुख आणि सून रिद्धी देशमुख यांच्या अटकेचे वॉरंट असल्याची माहिती समोर आली होती. अनिल देशमुख यांना वारंवार नोटीस पाठवून देखील ते चौकशीसाठी समोर आले नाहीत. लुट आऊट नोटीस जारी करुन देखील देशमुख चौकशीला हजर राहिले नव्हते.

Edited By: Pravin Dhamale