मुंबई - अंबरनाथ आनंद नगर एमआयडीसी MIdC परिसरात गेल्या काही दिवसांपासून चोरट्यांनी Theft अक्षरशः धुमाकूळ घातला होता. अखेर कंपनीच साहित्य चोरणाऱ्या टोळीला अंबरनाथ शिवाजी नगर Shivaji Nagar पोलिसांनी Police गजाआड केले आहे.गेल्या अनेक दिवसांपासून अंबरनाथ आनंद नगर Anandnagar एमआयडीसीतील कंपनी मधील साहित्य चोरीला जात होते यामुळे या परिसरातील उद्योजक अक्षरशा त्रस्त झाले होते.

हे देखील पहा -

या चोरट्यांचा बंदोबस्त करण्याची मागणी उद्योजकांनी पोलीस यंत्रणेकडे केली होती. अखेर आकाश वळवे, मनोज जंगल्या, संदीप वाघे , काशिनाथ वाघे, सुनील वळवे या पाच जणांच्या टोळीला अंबरनाथ शिवाजीनगर पोलिसांनी अटक केली आहे. एमआयडीसी मधील रेस टेक प्रायव्हेट लिमिटेड या कंपनीतील वॉचमनला मारहाण करून त्याला खुर्चीला बांधून सुमारे दीड लाख रूपयांचे कॉपरचे साहित्य चोरट्यांनी चोरून नेले होते.

या चोरट्यांच्या हालचाली कंपनीच्या बाहेर लावलेल्या सीसीटीव्ही कॅमेरामध्ये चित्रित झाल्या होत्या. त्यानंतर पोलिसांनी या चोरट्यांचा शोध घेत त्यांच्या मुसक्या आवळल्या. याआधी देखील या चोरट्यांनी याच भागातील एका कंपनीतील काही साहित्य चोरले होते. अश्या प्रकारे अजूनही काही कंपन्यांमध्ये या चोरट्यांनी चोरी केली असल्याचा पोलिसांचा संशय आहे.