मुंबई : राष्ट्रवादीच्या नेत्या सुप्रिया सुळे आणि भाजप नेत्या पंकजा मुंडे (Supriya Sule and Pankaja Munde) दारू पितात तसंच मुख्यमंत्री उद्धव ठाकरे सज्जन आहेत पण उपमुख्यमंत्री अजित पवार हे त्यांना अयोग्य निर्णय घ्यायला लावतात तसंच ढवळ्याशेजारी पवळा बांधल्याने गुण लागतोच अशी टीका जेष्ठ कीर्तनकार बंडातात्या कराडकर (Bandatatya Karadkar) यांनी केली होती त्यांच्या या टीकेवरुन राष्ट्रवादी काँग्रेस आक्रमक झाली असून बंडातात्यांवरती कारवाईची मागणी केली आहे.

तसंच या टीका होत असताना बंडातात्यांचा आणि RSS चा संबंध असल्याची टीका होत असतानाच आता या प्रकरणी माजी मुख्यमंत्री देंवेंद्र फडणवीस (Denvendra Fadnavis) यांच्या पत्नी अमृता फडणवीस यांनी देखील बंडाडात्यांच्या वक्तव्यावरती प्रतिक्रिया दिली आहे.

त्या म्हणाल्या,' स्त्रियांच्या खाजगी आयुष्यावर टिप्पणी करणे हे योग्य नाही, कोणी काही वक्तव्य करतात. त्यावर मग आंदोलन केली जातात. मात्र आपण स्वतः विचार करायला हवा की आपण काय बोलायला हवं काय बोलायला नको. तसंच वक्तव्य केल्यानंतर ऍक्शन घेतली जातात मात्र मानसिकतेत बदल होणे गरजेचे आहे. कोणावरही वैयक्तिक टिपणी व्हायला नको असही त्या म्हणाल्या.

तसंच भाजपा आणि आरएसएस हे स्त्रीचा मान ठेवणारे आहेत त्यामुळे विरोधक बंडातात्या यांना RSS पाठबळ आहे हे म्हणणं चुकीच असल्याचं त्या म्हणाल्या आहेत.

Edited By - Jagdish Patil