मुंबईत घर घेणे हे मध्यमवर्गीयांच्या खिशाला परवडणारे नाही. मुंबईत घरांच्या किंमती गगनाला भिडल्या आहेत. यामुळे कधी कधी पूर्ण आयुष्य लोनचे हप्ते फेडण्यात जाते. जर तुम्हालाही स्वतः चे घर घ्यायचे असेल तर ही बातमी खास तुमच्यासाठी. अंबरनाथमध्ये तुम्हाला २० लाखांत घर मिळणार आहे.

अंबरनाथमध्ये २० लाखांत घर (MHADA Housing Project In Ambernath)

महाराष्ट्र गृहनिर्माण व क्षेत्रविकास प्राधिकरणाचा (म्हाडा) हा नवीन उपक्रम असणार आहे. शिवगंगा नगर आणि कोहोज कुंठवली येथे घरे उपलब्ध होणार आहेत. त्यामुळे तुम्हाला मुंबईजवळ घर स्वतः चे हक्काचे घर घेता येणार आहे.

कोणाला मिळणार घरे?

महाराष्ट्र गृहनिर्माण व क्षेत्रविकास प्राधिकारणाने मध्यम उत्पन्न गटासाठी ही घरे बांधायचे ठरवले आहे. मध्यम कुटुंबातील नागरिकांना कमीत कमी किंमतीत घर मिळावे, यासाठी हा नवीन उपक्रम राबवण्यात आला आहे. मध्यम उत्पन्न गटासाठी एकूण २५३१ घरे बांधण्यात येणार आहेत.

या ठिकाणी मिळणार घरे (Project)

शिवगंगा नगर येथे एकूण ९२५ फ्लॅट बांधण्यात येणार आहेत. यातील १५१ फ्लॅट हे अत्यल्प गटासाठी असणार आहे. तर ७७४ फ्लॅट हे मध्यम उत्पन्न गटासाठी असणार आहेत. कोहोज कुंठवली येथे १६०६ घरे बांधण्यात येणार आहे. ही सर्व घरे अत्यल्प गटासाठी असणार आहेत.

घराच्या किंमती किती? (House Price)

अत्यल्प उत्पन्न गटासाठी घराच्या किंमती २० ते २२ लाख रुपये असणार आहे. मध्यम उत्पन्न असलेल्या घरांच्या किंमती ४५ ते ५० लाख रुपये असणार आहे.यामध्ये अत्यल्प उत्पन्न गटातील उपलब्ध असलेल्या घरांचे क्षेत्रफळ ३२० चौरस फूट आहे. या घरांची किंमत २० ते २२ लाख असणार आहे. मध्यम उत्पन्न गटासाठी उपलब्ध असलेल्या घरांचे क्षेत्रफळ ६५० ते ७२५ चौरस फूट असणार आहे. या घरांची किंमत ४५ ते ५० लाख रुपये असणार आहे.

कधीपर्यंत होणार काम पूर्ण?

या दोन्ही प्रकल्पांचे बांधकाम लवकरच सुरु होणार आहे. मार्च २०२८ पर्यंत हा प्रकल्प पूर्ण होणार आहे.