पुणे - पुणे शहरात कोरोना (Corona) रुग्णसंख्या आटोक्यात येत असल्याचे दिलासादायक चित्र दिसू लागले आहे. पुणे (Pune) जिल्ह्यात ५१ टक्के कोरोनाबाधित रुग्णांच्या संख्येत घट झाली आहे. पुण्याचा कोरोना दर ४.४ टक्के इतका झाला आहे. त्यामुळे आता सर्व प्राथमिक शाळा २ मार्चपासून सुरू होणार आहेत. सर्व नियमाचे पालन करून शाळा (School) सुरू करण्यात येणार आहे. पालकांना वाटलं तर त्यांनी मुलं शाळेत पाठवावी असे अजित पवार (Ajit Pawar) विभागीय आयुक्त कार्यलयात कोरोना आढावा बैठकीत बोलत होते.

हे देखील पहा -

पुढे अजित पवार म्हणाले की, लसीकरण जास्तीत जास्त करणं सुरू आहे. टास्क फोर्स आणि डॉक्टर यांच्याशी बोलून रुग्ण संख्या पाहता आता गरज वाटत नाही म्हणून १ मार्चपासून जम्बो हॉस्पिटल बंद करण्याचा निर्णय घेण्यात आला आहे. याबाबद पुण्याचे महापौर मुरलीधर मोहोळ यांच्याशी चर्च झाली आहे. सध्या कोरोना आकडेवारी घट होत आहे. त्यामुळे राज्यातील कोरोना नियम शिथिलता बाबत मुख्यमंत्री निर्णय घेतील असे देखील ते यावेळी म्हणाले.

पुढे अजित पवार यांनी युक्रेनवरील परीस्थितीवर भाष्य केले. ते म्हणाले की, १२०० ते दोन हजार लोक युक्रेनमध्ये असल्याचे माहिती समोर आली आहे. तर ३६६ पालकांशी संपर्क सुरू असून त्यांच्याशी नियंत्रण कक्षामार्फत बोलणं सुरू आहे. त्यांना मोबाईल नंबर ई मेल दिलेले आहेत. काही जण आज मुंबईत पोहोचणार आहेत. मुख्यमंत्री आणि मी लक्ष देऊन आहोत. युद्धजन्य परिस्थिती असल्याने आपले नागरिक आणायचा प्रयत्न सुरू आहे असे देखील पवार यावेळी म्हणाले.