सुशांत सावंत

मुंबई - सभागृहात कुणी चुकलं तर चार तास बाहेर ठेवा पण 12 -12 महिने ठेवू नका अशी मिश्किल टीका अजित पवार यांनी भाजपवर केली आहे. तसेच आपण जनतेचं प्रतिनिधीत्व करतो, कुत्रा, मांजर, कोंबड्यांचं नाही असे देखील ते यावेळी म्हणले. आज हिवाळी अधिवेशनाचा शेवटचा दिवस आहे यावेळी ते बोलत होते.

पुढे अजित पवार म्हणाले की, आदर्श आचार संहितेचे पालन सर्वांनी केले पाहिजे. काही जणांना कसलाही अनुभव नसतो पण पक्षामुळे ते निवडून येतात असा नाव न घेता टोला देखील पवार यांनी लगावला आहे.

हे देखील पहा -

सदस्यांचे वर्तन कसे आहे. यावर सभागृहाची प्रतिमा ठरते. गेल्याकाही वर्षांमध्ये काही जणांच्या वर्तनाने सभागृहाच्या मानसन्मानाला धक्का बसला. आपल्या वर्तनाबद्दल अंतर्मुख होऊन विचार करण्याची गरज आहे. सकाळी बैठक झाली तेव्हा सर्व पक्षाचे गटनेते उपस्थित होते. पक्षीय जोडे बाजूला ठेवून चर्चा झाली. सर्वांनीच चिंता केली. आता विधिमंडळ आवारचे थेट प्रक्षेपण थेट होत असत म्हणून आपल्स वर्तन साजेसे ठेवले पाहिजे. लाखो मतदार हे तुमच्याकडे बघून मतदान करतात कुत्री, मांजर आणि कोंबड्या या प्राण्यांचे नेतृत्व करत नाही असे म्हणत अप्रत्यक्षपणे नाव न घेता अजित पवार यांनी नितेश राणेंचे कान टोचले.

तसेच भाजपवर टीका करत अजित पवार म्हणले की, कुणी चुकलं तर त्याला किमान चार तास बाहेर ठेवा, हवं तर एक दिवस ठेवा पण 12 -12 महिने ठेवू नका. या प्रस्तावावर अध्यक्ष महोदय विचार करायला हरकत नाही.

Edited By - Shivani Tichkule