सचिन गाड, साम टीव्ही मुंबई

मुंबई : मागील काही दिवसांपासून मुंबईसह, पुणे शहरात सर्रास ड्रग्ज विक्री तसेच सेवनाच्या घटना समोर येत आहेत. पुण्यातील एका पबमध्ये ड्रग्जचे सेवन करताना काही तरुण आढळून आल्यानंतर पोलीस अॅक्शन मोडमध्ये आले आहेत. मुंबई आणि पुण्याला ड्रग्सचा पुरवठा करणाऱ्या आंतरराज्य टोळीचा पर्दाफाश करण्यात आला आहे. नार्कोटिक्स ब्युरोने १११ किलो गांज्यासह केली चौघांना अटक केली आहे.

जप्त करण्यात आलेल्या गांज्याची किंमत तब्बल २ कोटी असल्याचं सांगितलं जातंय. याप्रकरणी पोलिसांनी एस मोरे, एल शेख, आर मोहिते आणि एस शेख, या संशयित आरोपींनी अटक केली आहे. चौघेही तस्कर पुण्याचे रहिवासी असून ते ओडिशातून मुंबई आणि पुण्याला करत असत अंमली पदार्थांची तस्करी करीत होते. अहमदनगरच्या पाथर्डी येथे सापळा लावून एनसीबीने ही कारवाई केली आहे.