पुणे: शिवसेनेचे ज्येष्ठ नेते एकनाथ शिंदे (Eknath Shinde) यांच्यासह ४० आमदारांनी बंड केले, त्यामुळे शिवसेनेत उभी फूट पडली आहे. या फुटीनंतर माजी मंत्री आमदार आदित्य ठाकरे यांनी महाराष्ट्र दौरा सुरू केला आहे. काही दिवसापूर्वी आदित्य ठाकरे यांची पुण्यात सभा होती. या सभेवेळी मुख्यमंत्री एकनाथ शिंदे यांचाही पुणे दौरा होता. यावेळी कात्रज चौकात शिवसेनेचे बंडखोर आमदार उदय सामंत यांच्या गाडीवर हल्ला झाल्याचे समोर आले होते. आता याच कात्रज चौकात आमदार उदय सामंत सभा घेणार आहेत.

शिंदे गट आता आमदार आदित्य ठाकरे यांच्या सभांना प्रत्युत्तर देणार असल्याचे बोलले जात आहे. येत्या आठवड्यात पुण्यातील कात्रज चौकात शिंदे गटाकडून सभा घेण्यात येणार आहे. या संदर्भात नियोजन सुरू असल्याचे बोलले जात आहे.

काही दिवसापूर्वी पुण्यातील कात्रजमध्ये शिंदे गटाचे आमदार, माजी मंत्री उदय सामंत यांच्या वाहनावर हल्ला झाला होता. हा हल्ला शिवसैनिकांनी केल्याचा आरोप होत झाला. यावर पुणे पोलिसांनी मध्यरात्री तपास करुन कारवाई सुरू केली, भारती विद्यापीठ पोलिसांत रात्री उशीरा गुन्हा दाखल करण्यात आला होता. पोलिसांनी पुणे शिवसेना शहर प्रमुख संजय मोरे यांना अटक केली होती.

उदय सावंत हल्या प्रकरणी कोथरुड पोलिसांत (Police) गुन्हा दाखल नोंद झाला होता. पुणे शिवसेना शहर प्रमुख संजय मोरे यांच्यासह पाच जणांवर भारती विद्यापीठ पोलीस ठाण्यात गुन्हा दाखल करण्यात आला होता. या प्रकरण संजय मोरे यांनी ट्विट केले.

या पार्श्वभूमीवर आता एकनाथ शिंदे गट पुण्यात कात्रज चौकात सभा घेणार आहे, त्यामुळे आता पुन्हा शिंदे गट आणि शिवसेना वाद चिघळणार असल्याचे बोलले जात आहे.