सिनेसृष्टीमधून एक धक्कादायक बातमी समोर येत आहे. मुंबईजवळील काशीमिरा पोलीस ठाणे हद्दीत पोलिसांनी छापा टाकून वेश्याव्यवसाय रॅकेटचा पर्दाफाश केला आहे. या कारवाईत पोलिसांनी अभिनेत्रीला अटक केली आहे. तसेच २ मालिकांमधील महिला कलाकारांची सुटका केली आहे. पोलिसांनी सापळा रचत आरोपींना रंगेहाथ पकडलं. या प्रकरणी पोलिसांकडून अधिक तपास सुरू आहे.

अनुष्का मोनी मोहन दास (वय वर्ष ४१) असे अभिनेत्रीचे नाव आहे. मिरारोडच्या ठाकूर मॉलमध्ये हाय प्रोफाईल वेश्याव्यवसाय सुरू होता. याची माहिती अनैतिक मानवी वाहतूक शाखेला मिळाली होती. सापळा रचून पोलिसांनी हाय प्रोफाईल सेक्स रॅकेट उघडकीस आणले.

पोलिसांना सुरूवातील गुप्त माहिती मिळाली होती. गुप्त माहिती मिळाल्यानंतर पोलिसांनी २ बनावट ग्राहत तयार केले. आरोपींनी ग्राहकांना काशीमिरा येथील एका मॉलमध्ये बोलावून घेतले. पोलिसांनी सापळा रचला. यादरम्यान, आरोपींना पैसे घेत असताना पोलिसांनी रंगेहाथ पकडलं.

अनुष्का मोनी मोहन दास या महिलेला ताब्यात घेतलं. पोलीस चौकशीत महिला बंगाली अभिनेत्री असल्याची माहिती मिळाली. तर, पोलिसांनी या प्रकरणात २ महिला टिव्ही कलाकारांची सुटका केली. पोलिसांनी दोघींना ताब्यात घेतलं. तसेच आश्रयगृहात हलवलं. या प्रकरणी पोलिसांनी अभिनेत्रीविरोधात काशीमिरा पोलीस ठाण्यात गुन्हा दाखल केला आहे. काशीमिरा पोलिसांनी सांगितले की, रॅकेटसंबंधित इतर व्यक्ती, दलाल आणि नेटवर्कबाबात तपास सुरू आहे.