Harshvardhan Jadhav :कन्नडचे माजी आमदार हर्षवर्धन जाधव यांच्या अडचणीत वाढ झाली आहे. त्यांनी केंद्रीय गृहमंत्री अमित शहा आणि मंत्री चंद्रकांत पाटील यांच्या बद्दल आक्षेपार्ह विधान केल्याने त्यांच्यावर गुन्हा दाखल करण्यात आला आहे. (Latest Marathi News)

प्राप्त माहितीनुसार, दत्तवाडी पोलीस ठाण्यात एका महिलेने दिलेल्या तक्रारीनुसार त्यांच्यावर गुन्हा दाखल करण्यात आला आहे. फिर्यादी महीला या त्यांच्या राहत्या घरी असताना त्यांच्या मोबाईलवर एक व्हिडिओ आला. या व्हिडिओमध्ये हर्षवर्धन जाधव हे केंद्रीय गृहमंत्री अमित शहा आणि पुण्याचे पालकमंत्री चंद्रकांत पाटील यांच्याबद्दल आक्षेपार्ह तसेच खालच्या भाषेत बोलताना दिसले, असा आरोप महिलेने केला आहे.

हर्षवर्धन जाधव यांनी सोशल मीडियावर मंत्री चंद्रकांत पाटील (Chandrakant Patil) यांच्याविषयी अवमानकारक शब्द वापरत त्यांची बदनामी केली. तसेच, गृहमंत्री अमित शहांविषयी अक्षेपार्ह वक्तव्य केले त्यामुळे महिलेने केलेल्या तक्रारीनुसार, त्यांच्यावर भारतीय दंडात्मक कलम ३५४ (अ), ५०९, ५०१, ५०५ (२) अंतर्गत गुन्हा दाखल करण्यात आला आहे. या संदर्भात पोलिस (Police) अधिक तपास करत आहेत.