मनोज तांबे, विरार

मुंबईतून धक्कादायक बातमी समोर आली आहे. मुंबईतील भाईंदर भागात एका सराफाची हत्या करण्यात आली. याप्रकरणी नवघर पोलीस ठाण्यात गुन्हा दाखल करण्यात आला आहे. सुशांतो अबोनी पॉल (५२) असे मृत व्यक्तीचे नाव आहे. पोलीस याप्रकरणाचा तपास करत असून या घटनेने परिसरात भीतीचे वातावरण निर्माण झाले आहे.

मिळालेल्या माहितीनुसार, भाईंदर पूर्व येथील एस.व्ही. रोड परिसरात पॉल यांचा सोन्याच दुकान आहे. पॉल यांचा काही काळापासून कौटुंबिक वाद सुरू असल्याने ते मागील काही दिवसांपासून दुकानातच राहत होते.दरम्यान, बुधवारी सकाळी त्यांनी दुकान उघडलं नसल्याने कामगारांनी आणि कुटुंबीयांनी त्यांच्याशी संपर्क करण्याचा प्रयत्न केला, मात्र प्रतिसाद न मिळाल्याने शंका निर्माण झाली.

त्यानंतर काही नागरिकांनी परिणामी कारखान्याची काच फोडून आत प्रवेश केला. यादरम्यान पॉल हे मृत अवस्थेत आढळले. त्यांच्या डोक्यावर जखमा असल्याचे निदर्शनास आले.याबाबत क्षणाचाही विलंब न करता पोलिसांना तत्काळ माहिती देण्यात आली. पोलिसांनी घटनास्थळी दाखल होत तपास सुरु केला आहे. यासंदर्भात गुन्हा दाखल करून तपास सुरू असल्याची माहिती पोलीस उपायुक्त संदीप डोईफोडे यांनी दिली.

पोलिसांच्या प्राथमिक तपासात हत्या झाल्याचे निदर्शनास आले असून, यासंदर्भात गुन्हा दाखल करून तपास सुरू असल्याची माहिती पोलीस उपायुक्त संदीप डोईफोडे यांनी दिली. दरम्यान ही हत्या का झाली? हत्येमागचं नेमकं कारण काय? तसेच हत्येमागे नेमका कोणाचा हात आहे हे अद्यापही अस्पष्ट आहे. पोलीस या प्रकरणाचा तपास करत आहेत.