डोंबिवली : मानपाडा पोलिसांनी ओडिसावरून 272 किलो गांजाची तस्करी (Ganja Smuggling) करणाऱ्या दोन आरोपींना बेड्या ठोकल्या आहेत .फैजल फारुख ठाकूर आणि मोहम्मद आतीफ हाजीजउल्ला अन्सारी (Two culprit arrested) अशी या आरोपींची नावे आहेत. या आरोपींकडून 263 किलो गांजा (Ganja Seized), 6 मोबाईल, एक इनोव्हा कार, असा 27 लाखांचा मुद्देमाल जप्त केला आहे . हा गांजा कोणासाठी व कोणाला विक्रीसाठी आणला होता, याचा तपास पोलिसांकडून सुरु आहे.

मिळालेल्या माहितीनुसार, गेल्या काही दिवसांपासून अनेक ठिकाणी नाकाबंदी व छापे टाकून गांजा विकणाऱ्या व गांजाची तस्करी करणाऱ्या आरोपींच्या पोलिसांनी मुसक्या आवळल्या आहेत.दोन व्यक्ती उडीसा येथून डोंबिवलीत मोठ्या प्रमाणावर गांजा विक्रिसाठी आणणार असल्याची खबर मानपाडा पोलीस ठाण्याचे एपीआय अनिल भिसे यांना मिळाली होती. त्यानंतर मानपाडी पोलीस ठाण्याचे वरिष्ठ पोलीस निरीक्षक शेखर बागडे यांच्या मार्गदर्शनाखाली एका पथकाकडून डोंबिवली मानपाडा परिसरात शोधमोहीम सुरु होती.

या शोधमोहीम दरम्यान डोंबिवली मधील उंबार्ली गावात एक संशयास्पद इनोव्हा कार उभी असल्याची माहिती पोलिसांना मिळाली. त्यानंतर मानपाडा पोलिसांनी त्या ठिकाणी जाऊन कारमालकाची विचारपूस सुरू केली.पोलिसांच्या चौकशी दरम्यान ईनोव्हा कारमधील आरोपीने उडवा उडवीची उत्तरे दिली. त्यानंतर पोलिसांनी कारची झडती घेत कारमधून 272 किलो गांजा जप्त केला. त्यानंतर पोलिसांनी आरोपींची कसून चौकशी केली. गांजा ठाणे व ठाण्याजवळील उपनगरीमध्ये छोटे-मोठे गांजाच्या व्यापाऱ्यांना तस्करी करून विक्रीसाठी देत असल्याची कबुली चौकशीदरम्यान आरोपींनी दिली.

Edited By - Naresh Shende