Pandharpur News : भीमा नदी काठचा शेतीचा विद्युत पुरवठा तत्काळ सुरू करावा अशी मागणी उद्धव ठाकरे गटाच्या युवा‌ सेनेच्या वतीने प्रशासनास करण्यात आली आहे. विद्युत पूरवठा पूर्ववत न झाल्यास आंदाेलन छेडले जाईल असा इशारा देखील युवा सेनेने दिला आहे. (Maharashtra News)

सोलापूर व पंढरपूर शहरासाठी उजनी धरणातून भीमा नदीत पाणी सोडण्यात आले आहे. त्यामुळे भीमा नदी काठचा शेतीचा वीज पुरवठा बंद करण्यात आला आहे.‌ परिणामी नदीकाठच्या गावांचा शेतीचा आणि पिण्याच्या पाण्याचा प्रश्न गंभीर झाला आहे.

युवा सेनेचे जिल्हाध्यक्ष गणेश इंगळे यांच्या नेतृत्वाखाली शेतकऱ्यांनी अकलूज येथील महावितरण कंपनीच्या अधिकाऱ्यांना भीमा नदी काठचा शेतीचा विद्युत पुरवठा तत्काळ सुरू असे निवेदन‌ दिले. वीज पुरवठा सुरळीत न झाल्यास आंदोलन‌ छेडू असा इशाराही इंगळे यांनी निवेदनाद्वारे प्रशासनास दिला आहे.

Edited By : Siddharth Latkar