Akola News, NEET UG 2023 Result, Yukta Ambhore saam tv
महाराष्ट्र

Success Story : कष्टकरी कुटुंबातील युक्ताला Youtube ची मिळाली साथ, Neet परीक्षेत मिळविले उज्जवल यश

युक्ताच्या यशाचे काैतुक नागरिक करु लागले आहेत.

जयेश गावंडे

Akola News : अकोल्यातील कौलखेड येथील कष्टकरी कुटुंबातील युक्ता राजेश अंभोरे (yukta rajesh ambhore) हिने कुठलीही शिकवणी न लावता केवळ यु ट्युबवरील प्रशिक्षण घेत NEET UG परिक्षेत भरघाेस यश मिळविले आहे. सामाजिक कार्यकर्ते (कै.) राजेश अंभोरे यांची कनिष्ठ कन्या असलेल्या युक्ताने जिद्दीने मिळविलेल्या यशाचे काैतुक ग्रामस्थांसह विविध सामाजिक, राजकीय संघटना करु लागल्या आहेत. (Maharashtra News)

मेडिकल कॉलेजमध्ये प्रवेश मिळवण्यासाठी आवश्यक असलेल्या NEET UG 2023 या प्रवेश परीक्षेचा निकाल नुकताच जाहीर झाला आहे. या परीक्षेत अनेक विद्यार्थ्यांनी खडतर परिस्थितीवर मात करत मोठया जिद्दीनं यश मिळवले आहे.

अकोला शहरातल्या कौलखेड भागात राहणाऱ्या युक्तानेही या परीक्षेत मिळवलेलं यश हे सध्या संपूर्ण शहरात कौतुकाचा विषय बनलंय. कष्टकरी कुटुंबात वाढलेल्या युक्ताच्या वडिलांच्या निधनानंतर तिला आई आणि भावाचा शिक्षणासाठी खंबीर पाठींबा मिऴाला.

युक्ताची आईने घर सांभाळत लोकांची धुणी भांडी करून तिला शिकवलं. तिचाभावानेही आपली बहीण डॉक्टर व्हावी यासाठी मोलमजुरी करून तिला शिकवण्यासाठी हातभार लावला. घरची आर्थिक परिस्थिती बेताची असल्याने युक्ताने नीट परिक्षेसाठी काेणाता क्लास लावला नाही. केवळ youtube च्या माध्यमातून तिने नीटचा अभ्यास केला. त्या जाेरावर तिने परिक्षेत उज्जवल यश मिळविले.

युक्ताने नीट परीक्षेत 580 गुण मिळविले आहेत. तिला 97.23 टक्के गुण मिळाले आहेत. इयत्ता बारावीत तिने 86 टक्के व दहावीत 92 टक्के गुण मिळविले होते. तिने कोणत्याही प्रकारची शिकवणी वर्ग न लावता केलेला अभ्यास आणि मिळविलेले यश या तिच्या जिद्दीचे शहर काँग्रेस कमिटीच्या वतीने काैतुक करण्यात आले. युक्ताच्या पुढच्या शिक्षणासाठी लागेल ती मदत करण्याचे आश्वासन काॅंग्रेस (congress) प्रदेश सचिव प्रकाश तायडे यांनी काैतुक साेहळ्याप्रसंगी दिले.

Edited By : Siddharth Latkar

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

म्हाडाची बंपर ऑफर! मुंबईतील प्राईम लोकेशनवरील घरांची थेट विक्री, घरे भाड्यानं देण्यासही तयार

Post Office Scheme: पोस्टाची जबरदस्त योजना! फक्त एकदा गुंतवणूक करा अन् व्याजातून कमवा लाखो रुपये

Maharashtra Live News Update: धुळे जिल्ह्यासह जवळच्या जिल्ह्यांमधील ऊस उत्पादक शेतकऱ्यांसाठी आनंदाची बातमी

Mumbai To Rajgad Travel: मुंबईपासून राजगड किल्ल्यापर्यंत प्रवास कसा करावा? ट्रेकिंग आणि ट्रॅव्हल टिप्स जाणून घ्या

Shocking News : संतापजनक! खेळताना बॉल दुसऱ्या बिल्डिंगमध्ये गेला, संतापलेल्या सुरक्षारक्षकाकडून मुलांना बांधून मारहाण

SCROLL FOR NEXT