Satara News : चॉकलेटचे अमिष दाखवून आठ वर्षीय चिमुरडीवर बलात्कार करून तिचा निर्घृणपणे खून केल्याप्रकरणी संशयित आरोपीस आज कराड न्यायलयात फाशीची शिक्षा सुनावण्यात आली आहे. पश्चिम महाराष्ट्रात गेल्या अनेक वर्षात पहिल्यांदाच फाशीची शिक्षा सुनावल्याची चर्चा न्यायालयात हाेती. (Maharashtra News)

ही घटना डिसेंबर 2021 मध्ये रुवले येथे घडली होती. ढेबेवाडी पोलिसांनी पुराव्यासह सादर केलेले दोषारापत्र ग्राहय़ मानून न्यायालयाने आज निकाल दिला. आज न्यायालयात (court) ग्रामस्थांसह, नागरिकांची माेठी गर्दी हाेती.

कराड येथील विशेष अतिरिक्त जिल्हा व सत्र न्यायाधीश के. एस. होरे यांनी ही शिक्षा सुनावली. संतोष चंद्रू थोरात (वय 41, रा. रूवले, ता. पाटण) असे फाशीची शिक्षा झालेल्या आरोपीचे नाव असल्याची माहिती ढेबेवाडी पोलिसांनी साम टीव्हीशी बाेलताना दिली.

Edited By : Siddharth Latkar