- बालाजी सुरवसे

अल्पवयीन गतिमंद मुलीवर अत्याचार केल्याप्रकणी धाराशिव जिल्हा व सत्र न्यायालयाने रामेश्वर शिवाजी माने यास दाेषी ठरविले. त्यास न्यायालयाने जन्मठेपेची शिक्षा व 10 हजार रुपयांचा दंड ठोठावला आहे.

6 ऑक्टोबर 2019 रोजी गतिमंद अल्पवयीन मुलीवर रामेश्वर माने याने लैंगिक अत्याचार केला. मुलीने आईला हा प्रकार सांगितल्यानंतर तिने पाेलिस ठाण्यात धाव घेतली. आईच्या तक्रारीनूसार धाराशिव ग्रामीण पोलिस ठाण्यात माने याच्यावर गुन्हा दाखल करण्यात आला होता.

सरकार पक्षातर्फ आराेपी विराेधात 10 साक्षीदार तपासण्यात आले. जिल्हा व सत्र न्यायालयाने साक्ष व युक्तीवाद ग्राह्य धरुन बाललैंगिक अत्याचार प्रतिबंधक कायद्यानुसार आरोपीला दोषी ठरवले. याप्रकरणी आरोपीला जन्मठेपेची शिक्षा व 10 हजार रुपयांचा दंड ठोठावला आहे. ज्या कलमाअंतर्गत आराेपीला दाेषी ठरवून जन्मठेपेची शिक्षा सुनावण्यात आली त्यातील तरतुदीनूसार आराेपीस त्याचे उर्वरीत नैसर्गिक आयुष्य हे कारागृहात काढावयाचे आहे.

Edited By : Siddharth Latkar