भारत आणि पाकिस्तानमधील युद्धजन्य तणाव वाढत असताना रत्नागिरीतून एक धक्कादायक घटना समोर आली आहे. कोकणनगरमधील महम्मद बद्रुद्दीन परकार या युवकाने आपल्या इंस्टाग्राम आणि व्हॉट्सअॅप स्टेटसवर "पाकिस्तान जिंदाबाद…" असे स्टेट्स ठेवले होते. या प्रकरणी संतप्त नागरिकांनी युवकाला बेदम चोपलं, तसेच त्याची धिडं काढली. या प्रकरणी संबंधित व्यक्तीविरोधात गुन्हा दाखल करण्यात आला आहे.

महम्मद बद्रुद्दीन परकार असे युवकाचे नाव आहे. त्याने इंस्टाग्राम आणि व्हॉट्सअॅपवर "पाकिस्तान जिंदाबाद… मोदी किलर आहे… मोदीमुळे हे घडत आहे… पाकिस्तानसाठी प्रार्थना करा" असे स्टेटस ठेवले होते. युवकाने स्टेट्स ठेवताच क्षणात हे पोस्ट व्हायरल झाले. परिसरातील नागरिकांना या पोस्टविषयी माहिती मिळताच त्यांना राग अनावर झाला.

परिसरातील नागरिकांनी परकारला पकडून बेदम चोप दिला आहे. त्याचे कपडे फाटेपर्यंत बेदम मारहाण केली. यानंतर पोलिसांनी तातडीने घटनास्थळी धाव घेत परकारला जिल्हा शासकीय रुग्णालयात उपचारासाठी दाखल केले. तसेच संतप्त नागरिकांना पोलिसांनी शातंता राखण्याचे आवाहन केले.

या प्रकरणी शहर पोलिस ठाण्यात परकारविरोधात गुन्हा दाखल करण्यात आला असून, पोलिस अधिक तपास करत आहेत. या घटनेनंतर परिसरात एकच खळबळ उडाली आहे.