अरुण जोशी

अमरावती - अमरावती शहराच्या संजय गांधी नगर परिसरालगतच्या लुम्बिनी नगर मध्ये वास्तव्यास असलेल्या ऋत्विक बेलेकर या युवकाच्या घरात तीन अज्ञात हल्लेखोरांनी घुसून ऋत्विकवर चाकूने वार करत त्याची हत्या केल्याची धक्कादायक घटना घडली आहे. भरदिवसा झालेल्या या हल्ल्याने परिसरात दहशतीचे वातावरण पसरले आहे. Young man killed in in Lumbininagar Of Amravati

हे देखील पहा -

पोलिसांकडून मिळालेल्या माहितीनुसार सायंकाळच्या सुमारास ऋत्विक आपल्या घरी असताना तीन हल्लेखोर गाडीवर बसून आले व सरळ ऋत्विकच्या घरात प्रवेश करीत ऋत्विकवर चाकूने वार केले व तेथून पळून गेले. परिसरातील नागरिकांच्या हा हल्ला झाल्याचं लक्षात येताच नागरिकांनी ऋत्विकला ताबडतोब जिल्हा सामान्य रुग्णालयात दाखल केले.

मात्र डॉक्टरांनी त्याला जागीच मृत घोषित केले. घटनेची माहिती फ्रेजरपुरा पोलिसांना मिळताच पोलिसांनी घटनास्थळाची पाहणी केली व तपासाची सूत्रे हलवली. ऋत्विकची हत्त्या कोणत्या कारणाने झाली हे अद्याप उघड झाले नसले तरी या हत्येमुळे परिसरात भीतीचे वातावरण निर्माण झाले आहे.

Edited By : Krushnarav Sathe