यवतमाळ : भरधाव वेगात असलेल्या ट्रेलरने एसटी बसला जोरदार धडक दिल्याने भीषण अपघात (Accident) झाला. या अपघातात बसमधील ४ प्रवासी जखमी झाले (Yavatmal) आहेत. सुदैवाने या अपघातात जीवितहानी झाली नाही. (Maharashtra News)

यवतमाळच्या भोसा मार्गावर आज हा अपघात घडला आहे.ओव्हरलोड ट्रेलर सोलापूरवरून यवतमाळ मार्गाने रायपूर जात होता. दरम्यान बस ही प्रवासी घेऊन यवतमाळवरून आदिलाबादकडे जात असताना ट्रेलरच्या चालकाचे वाहनावरील नियंत्रण सुटले. यामुळे ट्रक थेट बसवर जाऊन (Bus Accident) धडकला. या अपघातात ट्रेलरचा समोरील भाग चुराडा झाला. 

सदर अपघातात बसमधील चार प्रवाशी जखमी झाले आहेत. जखमींना तातडीने शासकीय रुग्णालयात उपचारासाठी दाखल करण्यात आले. तर अपघतानंतर मार्गावरवाहतूक खोळंबली होती. अपघाताची माहिती मिळताच अवधूतवाडी पोलिसांनी घटनास्थळी दाखल होऊन या मार्गावरील खोळबलेली  वाहतूक सुरळीत केली.