संजय राठोड
यवतमाळ : छत्तीसगड राज्यातील नक्षल कमांडरच्या मुसक्या आवळण्यात आल्या आहेत. मागील १३ वर्षांपासून जिल्ह्यात वास्तव्यास असलेल्या नक्षलवाद्याला स्थानिक गुन्हे शाखा पोलीस पथकाने तब्बल दीड महिन्याच्या मागोव्यानंतर यवतमाळ शहरातील लकडगंज परिसरात केली. या कारवाईने पुन्हा एकदा वणी तालुकाच नव्हेतर जिल्ह्याचे केंद्र असलेले यवतमाळ मुख्यालय नक्षल्यांचे 'रेस्ट झोन' आहे का हा सवाल उपस्थित करण्यात आला आहे

गडचिरोली जिल्ह्यातील टीप्पागड हा एक छोटासा किल्ला आहे. सावरगाव आणि देसाईगंज (वडसा) पासून शंभर किलोमीटर अंतरावर घनदाट जंगलात आहे. शिवाय त्याला लागून छत्तीसगडच्या बस्तर प्रदेशातील नारायणपूर जिल्ह्याच्या जंगलाची सीमा आहे. या दोन्ही भागात नक्षल चळवळ सक्रिय आहे. तेथेच नव्याने चळवळीत दाखल होणाऱ्या नक्षल्यांचे प्रशिक्षण आणि कट कटकारस्थाने रचले जातात. 

नक्षल चळवळीच्या तिजोरीवरच मारायचा डल्ला 

छत्तीसगड राज्यातील भुथिया पहाडगंज दलममध्ये सक्रिय असलेल्या तुलसी उर्फ दिलीप महतो असे नक्षली कमांडरचे नाव आहे. दिलीप नक्षल दलम कमांडरने सहकाऱ्यांचा विश्वासघात करीत नक्षल चळवळीच्या तिजोरीवरच आर्थिक डल्ला मारला. त्यानंतर हा प्रकार उघडकीस होताच सहकारी त्याचा बदला घेण्याच्या तयारीत होते. मात्र गेम होणार याची पूर्वकल्पना असल्याने नक्षल कमांडर तेथून पसार झाला जावून यवतमाळ जिल्ह्यातील वणी या ठिकाणी येऊन वास्तव्यास होता. 

पोलिसांनी सापळा रचत घेतले ताब्यात 

नक्षल कमांडर दिलीप याने आपला मुक्काम पारवा आणि नंतर यवतमाळ शहरात तलाव फैल भागात ठोकला. साधारण १३ वर्ष त्याने मुक्काम यवतमाळ शहरात केला. या दरम्यान त्याने आपली नावे बदलवून वास्तव्यास राहिला. या नक्षलीची माहिती पोलिसांना गुप्त महितीगारकडून मिळाली. त्यानंतर त्याची ओळख पटवून यवतमाळ पोलिसांनी सापळा रचत त्याला ताब्यात घेतले.