महाराष्ट्र शासनात नोकरी करण्याची सुवर्णसंधी तुमच्याकडे आहे. महिला व बालविकास विभागात सध्या भरती जाहीर करण्यात आली आहे. महिला व बालविकास विभागात काही पदांसाठी विभागीय स्पर्धा जाहीर केल्या आहेत. यामुळे तरुणांकडे सरकारी नोकरी करण्याची उत्तम संधी आहे.

महिला व बालविकास विभागात अधिक्षक/निरीक्षक, प्रमाणित शाळा व संस्था अधिकारी, जिल्हा महिला व बाल विकास अधिकारी, रचना व कार्यपध्दती अधिकारी, अधिव्याख्याता, सांख्यिकी अधिकारी गट-ब (राजपत्रित), बाल विकास प्रकल्प अधिकारी (ग्रामीण) गट-ब पदांसाठी भरती जाहीर करण्यात आली आहे. या भरतीबाबत अधिक माहिती तुम्हाला https://wcd.gov.in/ या वेबसाइटवर मिळणार आहे.

महिला व बालविकास विभागात गट ब (राजपत्रित) पदांसाठी भरती केली जाणार आहे. या नोकरीसाठी तुमची नियुक्ती महाराष्ट्रात कुठेही केली जाणार आहे. या नोकरीसाठी निवड झाल्यावर तुम्हाला ४१,८०० ते १,३२,३०० रुपये पगार मिळणार आहे. याचसोबत महागाई आणि इतर भत्तेदेखील होणार आहे.

या पदांसाठी भरती ही लेखी परीक्षेद्वारे होणार आहे. तुमची ४०० गुणांची परीक्षा होणार आहे. त्यानंतर ५० गुणांची मुलाखत होणार आहे. या नोकरीसाठी लेखी परीक्षा आणि मुलाखतीतील गुणांद्वारे उमेदवारांची निवड केली जाणार आहे.

पात्रता

महिला व बालविकास विभागातील नोकरीसाठी विभागातील किंवा ग्रामविकास विभागातील विविध संवर्गातील कर्मचाऱ्यांना अर्ज करण्याची संधी आहे. अर्ज करण्यासाठी १ जानेवारी रोजी सलग सात वर्षे नियमित सेवा पूर्ण केलेली असावी.मराठी व हिंदी भाषा येणे आवश्यक आहे.

या नोकरीसाठील परीक्षा दोन टप्प्यांमध्ये घेतली जाईल. पेपर १ आणि पेपर २ अशी परीक्षा होईल. यानंतर मुलाखत होईल. परीक्षा केंद्र हे नवी मुंबई येथे असणार आहे. या परीक्षेसाठी निगेटिव्ह मार्किंग असणार आहे.