२०२० मधील कोरोनाच्या कटू आठवणी कोणीही विसरले नाहीत. मात्र आता अनेकांच्या मनात पुन्हा धडकी भरली आहे. कारण २०२० सारखी कोरोनाची लाट पुन्हा येणार? असा मेसेज व्हायरल होतोय. या मेसेजची आम्ही पडताळणी केली. तेव्हा काय सत्य समोर आलंय. पाहूया खास रिपोर्ट.

देशात पुन्हा एकदा कोरोनानं डोकं वर काढलय. कुटुंब कल्याण मंत्रालयानं दिलेल्या आकडेवारीनुसार, भारतातल्या कोरोना रुग्णांची संख्या ४ हजारांच्या वर गेलीय. अशातच भारतात २०२० सारखी कोरोनाची लाट येणार असल्याचा दावा केला जात असल्यानं सर्वत्र खळबळ उडालीय. व्हायरल मेसेज मध्ये नेमका काय दावा करण्यात आला आहे.

भारतात दररोज कोरोना रुग्णांची संख्या वाढते आहे. ही रुग्ण संख्या पाहता २०२० सारखी कोरोनाची लाट पुन्हा येण्याची दाट शक्यता आहे. सप्टेंबर २०२० मध्ये कोरोनाच्या पहिल्या लाटेत दररोज ९३ हजार कोरोना रुग्ण आढळून येत होते. ही पहिली लाट ३७७ दिवस होती. त्यात एक कोटी आठ लाख रुग्ण आढळून आले त्यापैकी जवळपास दीड लाख लोकांचा मृत्यू झाला.

हा मेसेज व्हायरल होत असल्याने सर्वांची चिंता वाढली आहे. खरंच भारतात पुन्हा कोरोनाची लाट येईल का? २०२० सारखी भयानक स्थिती पुन्हा पाहायला मिळेल का? असे सवाल यानिमित्ताने उपस्थित होत आहेत. लोकांच्या जीवन मरणाचा प्रश्न असल्यामुळे साम टीव्हीनं या मेसेजची पडताळणी केली. याबाबत तज्ञ अधिक माहिती देऊ शकतात. त्यांना हा मेसेज दाखवला, तेव्हा त्यांनी काय सांगितलं पाहा.

त्यामुळे आमच्या पडताळणीत काय सत्य समोर आलं पाहा

भारतात कोरोना रुग्णांची संख्या ४ हजारांच्या वर गेलीय. केरळपाठोपाठ महाराष्ट्रातही रुग्णांची संख्या वाढते आहे. कोरोना रोगांची संख्या वाढत असली तरी २०२० सारखी कोरोनाची लाट येण्याची शक्यता नाही. Covid, SARS-CoV 2 हे विषाणूचे व्हेरिएंट आहेत. मात्र विषाणूचा हा व्हेरिएंट आता तसा सामान्य आहे. कोरोनाचा विषाणू म्युटेट होत असतो म्हणजेच त्यात सातत्याने बदल होतो. आता कोरोना व्हायरसला ५ वर्षे झाली आहेत. आता नियमित श्वसन विकारांप्रमाणेच हा विषाणू आहे. त्यामुळे लगेचच घाबरून जाण्याचं कारण नाही.