Beed News :

बीड जिल्ह्यातील परळी शहरात उद्या शासन आपल्या दारी (shasan aplya dari program in beed) या राज्य शासनाच्या उपक्रमाचे आयाेजन करण्यात आले आहे. या कार्यक्रमास भाजप नेत्या पंकजा मुंडे (Pankaja Munde) हजेरी लावणार असल्याची प्राथमिक माहिती प्राप्त झाली आहे. मात्र जिल्ह्याच्या खासदार डॉक्टर प्रीतम मुंडे या कार्यक्रमाला गैरहजर राहणार असल्याची खात्रीशिर माहिती उपलब्ध झाली आहे. (Maharashtra News)

परळीत शहरात शासन आपल्या दारी हा कार्यक्रम भव्य दिव्य स्वरूपात होत आहे. या कार्यक्रमाला भाजप नेत्या पंकजा मुंडेची राहणारी उपस्थिती ही सर्वत्र चर्चेची विषय बनली आहे. दरम्यान आजपासून दिल्लीत संसदेचे हिवाळी अधिवेशन सुरू झाले आहे. यामुळे खासदार डाॅ. मुंडे या दिल्लीत असल्याने त्या कार्यक्रमाला हजेरी लावणार नसल्याचे सांगण्यात आले आहे.

विशेष म्हणजे भाजपात पंकजा मुंडे आणि देवेंद्र फडणवीस यांच्यामधील अंतर्गत वाद सर्वश्रुत आहे. मात्र या कार्यक्रमाला मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार येत असून सर्वात अगोदर ते दिवंगत लोकनेते गोपीनाथराव मुंडे यांच्या गोपीनाथ गडावर जाऊन समाधीस्थळी नतमस्तक होणार आहेत.

यादरम्यान भाजप नेत्या पंकजा मुंडे या देखील याठिकाणी उपस्थित असणार असल्याची माहिती सूत्रांकडून मिळाली आहे. त्यामुळं आता पंकजा मुंडे या गोपीनाथगड आणि त्यानंतर परळी शहरातील शासन आपल्या दारी या कार्यक्रमाला उपस्थित राहणार का ? याकडेच सर्वांचे लक्ष लागले आहे.

Edited By : Siddharth Latkar