- सागर निकवाडे

Nandurbar Water Supply News : नंदुरबार जिल्ह्यात पावसाने पाठ फिरवल्यामुळे जिल्ह्यात भीषण पाणी टंचाईचा सामना करावा लागणार आहे. नंदुरबार शहराला पाणीपुरवठा करणाऱ्या वीरचक धरणात अवघ्या 32 टक्के पाणीसाठा शिल्लक आहे तर पिण्यायोग्य 25 टक्के पाणीसाठा राहिला आहे. त्यामुळे आजपासून (साेमवार) तीन दिवसाआड पाणीपुरवठा नंदुरबार शहराला केला जाणार आहे. (Maharashtra News)

विरचक धरणामध्ये 90 दिवस पुरेल एवढाच जलसाठा राहिला आहे. पावसाळा सुरु होऊन जवळपास तीन महिन्याच्या कालावधीत उलट आला तरी देखील जिल्हा समाधानकारक असा पाऊस होत नसल्यामुळे मोठा अडचणीच्या सामना आता नागरिकांना करावा लागणार आहे.

नंदूरबार जिल्ह्यात सरासरी 40 टक्के पाऊस झालेला आहे. त्यामुळे पाण्याची बचत शहरवासीयांना करावी लागणार आहे. आगामी काळात पाऊस आला तर पिण्याच्या पाण्याचा प्रश्न मिटणार आहे. परंतु पाऊस आला नाही तर मोठा प्रश्न निर्माण होणार आहे. त्यामुळे शहरातील नागरिकांनी पाणी जपून वापरावे असे आवाहन अमोल बागुल (मुख्याधिकारी) यांनी केले आहे.

Edited By : Siddharth Latkar