Solapur :

सोलापूर जिल्ह्यातील 25 महसूल मंडलात दुष्काळी परिस्थिती निर्माण झालेली आहे. जिल्ह्यातील पाणी साठ्याची सद्यस्थिती पाहता उजनी धरणात वजा 37.09 टक्के, सात मध्यम प्रकल्पात 10.99 टक्के, 56 लघु प्रकल्पात 2.68 टक्के तर 90 कोल्हापूर बंधाऱ्यात 18.67 टक्के पाणीसाठा उपलब्ध आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सोलापूर जिह्यात पाणी टंचाईची तीव्रता दिवसेंदिवस वाढत चालली आहे. त्यामुळे अनेक तालुक्यांतून टँकरची मागणी वाढत आहे. सोलापूर जिह्यातील सहा तालुक्यांतील 34 गावात आता 38 टँकरद्वारे पाणीपुरवठा सुरू आहे. (Maharashtra News)

सोलापूर जिल्हा प्रशासनाकडून जून पर्यंत पाण्याचे सूक्ष्म नियोजन करण्यात आले आहे. सोलापूर जिल्ह्यातील कुंभारी गावात दुष्काळजन्य परिस्थिती निर्माण झालेली आहे. या गावात टॅंकरच्या माध्यमातून पाणी पूरवठा सुरु आहे. गावातील अबालवृद्ध पाण्याच्या टॅंकरभाेवती हंड्यांसह गराडा घालत असल्याचे चित्र आहे.

Edited By : Siddharth Latkar