मनोज जयस्वाल

वाशिम : वाशिमच्या मानोरा तालुक्यातील कारखेडा येथील रत्नप्रभाबाई रामराव देशमुख (वय ८५) या जीवंत आजीबाईचा मृत असल्याचा दाखला तलाठ्याने (Washim) तहसिलदारांकडे दिला. यामुळे जानेवारी २०२३ पासून त्यांची श्रावण बाळ योजनेची पेन्शन बंद झाली आहे. दरम्यान तलाठ्याच्या (Bank) चुकीचा फटका आजीबाईला बसला असून, किमान पेन्शन तरी सुरू करावी अशी आर्त हाक आजीबाईने दिली आहे. (Breaking Marathi News)

वाशिमच्या मानोरा तालुक्यातील कारखेडा येथील रत्नप्रभाबाई रामराव देशमुख (वय ८५) या आजीबाईला सन २००५ मध्ये मानोरा तहसील कार्यालयातून श्रावण बाळ योजने अंतर्गत पेन्शन लागू करण्यात आली. घरात एकटी महिला, कमविता कोणी नाही, वय जास्त झाल्याने मजुरीचे काम होत नसल्याने पेन्शन योजनेचा मोठा आधार मिळतो. रत्नप्रभाबाई देशमुख या जून महिन्यात बँकेत पेन्शनचे पैसे काढण्यासाठी गेल्या असता बँकेकडून पेन्शन जमा झाली नाही असे उत्तर मिळाले.

वर्षभरापुर्वी मृत झाल्‍याचा अहवाल

पेन्शनबाबत नेमकी काय अडचण आली. याची विचारणा करण्यासाठी त्या नातेवाईकासह तहसिल कार्यालयात गेल्या असता तलाठी सागर चौधरी यांनी या महिलेचा मृत्यू झाला असा अहवाल २९ जुलै २०२२ रोजी कार्यालयास दिल्याने पेन्शन बंद झाल्याचे उत्तर ऐकून रत्नप्रभाबाई व नातेवाईकांना धक्काच बसला.