मनोज जयस्वाल 
वाशीम : दुचाकी चोरीचे प्रमाण वाढले होते. यात वाशीम जिल्ह्यातील रिसोड आणि बुलढाणा जिल्ह्यात मोठ्या प्रमाणात दुचाकी चोरी करणाऱ्या टोळीला शिताफीने ताब्यात घेतले आहे. या टोळीकडून तब्बल १२ दुचाकी जप्त करत तब्बल आठ लाख रुपयांचा मुद्देमाल या चोरट्याकडून हस्तगत केला आहे. सदरची कारवाई  वाशिमच्या रिसोड पोलिसांनी केली आहे. 

वाशिमच्या रिसोड पोलीस स्टेशन हद्दीत मोठ्या प्रमाणात दुचाकी चोरीच्या घटना समोर आल्या होत्या. या प्रकरणी दाखल तक्रारीनंतर रिसोड पोलिसांनी तांत्रिक व आधूनिक पध्दतीने तपास सुरु केला. यात दोन जणांना ताब्यात घेत विचारपूस केली असता त्यांनी वाशिम व बुलढाणा जिल्ह्यातून दुचाकी चोरी केल्याची कबुली दिली. यामुळे दुचाकी चोरी करणाऱ्या या रॅकेटचा पर्दाफाश झाला आहे. दोघांना अटक करण्यात आली असून रॅकेटमध्ये सहभागी असलेल्यांचा तपास सुरु आहे. 

सव्वाआठ लाख रुपयांचा मुद्देमाल जप्त 

रिसोड पोलिसांनी मयुर प्रविण नवले (वय २१) व गजानन उर्फ गणेश बळीराम गायकवाड (वय १८) या दोघांना ताब्यात घेण्यात आलेल्या आरोपींची नावे आहेत. दरम्यान दोन्ही संशयीत आरोपीकडून एकूण १२ दुचाकीश ८ लाख २५ हजार रुपये किंमतीचा मुद्देमाल हस्तगत करण्यात आला आहे. या प्रकरणी पोलिसांकडून आणखी तपास सुरु आहे.  

नाशिकमध्ये मोटरसायकल चोरांचं रॅकेट उध्वस्त
नाशिक शहर व परिसरात दुचाकी चोरीच्या घटना वाढल्या होत्या. या प्रकरणी दाखल तक्रारींवरून उपनगर पोलिसांनी चोरी करणाऱ्या रॅकेटचा पर्दाफाश केला आहे. चोरीच्या नऊ दुचाकी जप्त केल्या असून मोटरसायकल चोरी प्रकरणी एका विधी संघर्षित बालकाला अटक करण्यात आली आहे. तर एक साथीदार फरार झाला आहे. विधी संघर्ष बालक स्वतःच्या काका समवेत मोटर सायकलची चोरी  करायचा. त्यांनी नाशिकच्या उपनगर, इंदिरानगर, मुंबई नाका आणि ग्रामीण भागातून मोटर सायकलची चोरी केल्याची कबुली दिली.