भरत मोहळकर, साम टीव्ही

मुंबई : राज्यात विधानसभा निवडणुकीचा प्रचार शिगेला पोहचलाय.. त्यातच आरोप-प्रत्यारोपांच्या फैरी झडत आहेत. त्यापार्श्वभुमीवर वाईत अजित पवारांच्या राष्ट्रवादीने विद्यमान आमदार मकरंद पाटलांना तर शरद पवारांनी अरुणादेवी पिसाळांना संधी दिलीय.. तर शिंदे गटाच्या पुरुषोत्तम जाधवांनी बंडखोरी करत निवडणुकीतील चुरस वाढवलीय. मात्र महायुती आणि महाविकास आघाडीच्या उमेदवारांनी विजयाचा विश्वास व्यक्त केलाय..

पुरुषोत्तम जाधवांना वाईतून 2009 आणि 2014 च्या निवडणुकीत 35 आणि 25 हजार मतं मिळाले होते. मात्र यंदा विधानसभेच्या रिंगणात उतरताच लोकं घराणेशाहीला नाकारतील, असा विश्वास पुरुषोत्तम जाधवांनी व्यक्त केलाय.

जाधवांनी वाढवलं महायुती-मविआचं टेंशन

जनता दलाचा बालेकिल्ला असलेला वाई मतदारसंघ 2009 मध्ये अपक्ष असलेल्या मकरंद पाटलांनी भेदला. त्यानंतर 2014 आणि 2019 च्या निवडणुकीत राष्ट्रवादीकडून निवडणूक लढवताना मकरंद पाटलांच्या मताधिक्यात वाढ होत गेली. आता शिवसेना आणि राष्ट्रवादीच्या फुटीनंतर राजकीय समीकरणं बदलली आहेत. मात्र 2019 मधील मतांचं समीकरण कसं होतं? पाहूयात...

2019 मधील मतांचं गणित

मकरंद पाटील, राष्ट्रवादी काँग्रेस - 1 लाख 30 हजार 486 मतं

मदन भोसले, भाजप, 86 हजार 839 मतं

43 हजार 647 मतांनी मकरंद पाटलांचा विजय

अरुणादेवी पिसाळ या माजी मंत्री मदन पिसाळांची सून तर जिल्हा परिषदेच्या माजी अध्यक्षा आहेत. त्यामुळे त्यांचा मोठा गट वाईत कार्यरत आहे.मात्र लोकसभेला मकरंद पाटलांनी शशिकांत शिंदेंचं लीड 6 हजारांवर रोखलं. त्याची भाजप किती ताकदीने परतफेड करणार? यावर मकरंद पाटलांचा विजयाचं गणित अवलंबून असेल. तर जाधवांची बंडखोरी कुणाला भोवणार हेही पाहणं महत्त्वाचं आहे.