विरारमधून एक धक्कादायक बातमी समोर येत आहे. भूत उतरविण्याच्या नावाखाली अल्पवयीन मुलीवर बलात्कार केल्याची घटना उघडकीस आली आहे. घटनेच्या दिवशी पीडित मुलगी जीवदानी मंदिरात दर्शनासाठी गेली होती. मात्र, तिच्या अंगात आल्याचं सांगत पीडितेला भोंदू बाबाकडे नेण्यात आले. मात्र, भोंदूबाबानं विधीच्या नावाखाली पीडितेवर जबरदस्ती करत लैंगिक अत्याचार केला. या प्रकरणी पोलिसांनी तपास करीत भोंदूबाबा विरोधात पोक्सो अंतर्गत गुन्हा दाखल केला आहे.

अंधश्रद्धेच्या नावाखाली महिलांची फसवणूक आणि लैंगिक शोषणाच्या घटनांच्या मालिकेत विरारमधील आणखी एका घटनेची भर पडली आहे. घटनेच्या दिवशी पीडित अल्पवयीन मुलगी जीवदनी मंदिरात दर्शनासाठी गेली होती. त्यावेळी तिच्या अंगात आल्याचं म्हटलं जात आहे. तिच्या अंगात आल्याचं पाहून तिच्या मित्रानं तिला एका बाबाकडे नेलं.

भोंदूबाबानं अल्पवयीन मुलीला पाहिलं. तिच्या अंगातील भूत उतरवण्यासाठी एक विधी करावा लागेल, असं सांगितलं. विधी पूर्ण करण्यासाठी भोंदू बाबाने तिला दुचाकीवरून थेट राजोडी बीचवर नेले. तेथे अल्पवयीन मुलीसोबत जबरदस्ती केली. तसेच लैंगिक अत्याचार केला. बलात्कार करून सोडून दिलं.

या संतापजनक घटनेची माहिती पोलिसांनी कळताच त्यांनी घटनास्थळी धाव घेतली. तसेच तपासाला सुरूवात केली. तपासात भोंदूबाबानं अल्पवयीन मुलीसोबत अत्याचार केल्याचं उघडकीस झालं. या प्रकरणी विरार पोलीस ठाण्यात भोंदूबाबसह मित्रावर बलात्कार आणि पोक्सो अंतर्गत गुन्हा दाखल करण्यात आला आहे. दोन्ही आरोपींना पोलिसांनी चार तासातच अटक केली आहे.