Ratnagiri News : रत्नागिरी जिल्ह्यातील साखरपा (sakharpa) इथं कबड्डीच्या खेळावरून झालेल्या वादात एका युवकावर तलवार हल्ला झाला. त्याचे पडसाद आज (बुधवार) साखरपा गावात उमटलेले पाहायला मिळाले. यावेळी महिलांनी एकत्र येत पाेलिस ठाण्याचे अधिका-यांना तपासात प्रगती का नसल्याची विचारणा केली आहे. (Maharashtra News)

साखरपा पंचक्रोशीतील 25 गाव एकत्र येत त्यांनी या घटनेचा निषेध नोंदवला. साखरपा गावातील बाजारपेठ आज पूर्णतः बंद ठेवण्यात आली आहे. संशयित आरोपीला त्वरित अटक करावी या मागणीसाठी साखरपा पंचक्रोशीतील ग्रामस्थांनी थेट साखरपा पोलीस स्टेशन गाठलं.

या घटनेतील आरोपींवर त्वरित कारवाई व्हावी अशी मागणी यावेळी शेकडो ग्रामस्थांनी पोलिसांकडे केली आहे. यावेळी पाेलिसांनी घटनेचा कसून तपास केला जाईल असे आश्वासन ग्रामस्थांना दिले.

Edited By : Siddharth Latkar