तुम्हाला थ्री इडियटमधल्या रँचोनं केलेल्या प्रसूतीचा सीन आठवतो का? प्रत्यक्षातही अशाच एका रॅचोनं एका महिलेची प्रसुती केली.ही घटना घडलीय मुंबईतल्या राम मंदिर रेल्वे स्थानकावर आणि या घटनेतला रँचो आहे.. विकास बेद्रे.

मध्यरात्री 12.30 च्या सुमारास एक गर्भवती महिला गोरेगाव स्थानकावरून मुंबईकडे लोकलने प्रवास करत होती.. त्याचवेळी त्या महिलेला अचानक प्रसूती वेदना सुरु झाल्या.. आणि त्याच डब्यातून प्रवास करणाऱ्या विकास बेद्रेनं थेट डॉक्टर देविका देशमुख या आपल्या मैत्रिणीला फोन करून व्हिडिओ कॉल करून परिस्थितीची जाणीव करून दिली... प्रसूतीची प्रक्रिया व्हिडिओ कॉलवर समजावून घेऊन विकासनं वैद्यकीय ज्ञानाचा अनुभव नसतानाही प्रत्येक सुचनांचे तंतोतत पालन करत ही प्रसूती यशस्वीरित्या पूर्ण केली...

विकासनं दाखवलेल्या हिमतीचं सर्वत्र कौतुक होतंय.या घटनेमुळे मुंबईतील धावत्या लोकलमध्ये माणुसकी अजूनही जिंवत असल्याचा पुन्हा एकदा अधोरेखित झालं..