Manasvi Choudhary
हॉटेलमध्ये गेल्यानंतर अंडा मसाला हा आवडीने खाल्ला जातो. अंडा मसाला हा सर्वांनाच आवडतो.
मात्र अनेकांना अंडा मसाला घरी बनवता येत नाही यासाठी आज आम्ही तुम्हाला सोप्या पद्धतीने अंडा मसाला बनवण्याची रेसिपी सांगणार आहोत.
अंडा मसाला बनवण्यासाठी अंडी, कांदा, टोमॅटो, आले- लसूण पेस्ट, हिरवी मिरची, लाल मसाला, धना पावडर, कोथिंबीर, तेल, मीठ हे साहित्य एकत्र करा.
सर्वातआधी गॅसवर एका पातेल्यामध्ये पाणी गरम करून अंडी उकडून घ्या . अंडी उकडल्यानंतर त्याचे कव्हर काढा
गॅसवर कढईत थोडे तेल, चिमूटभर हळद आणि तिखट टाकून अंडी २ मिनिटे परतून घ्या आणि बाजूला काढून ठेवा.
कढईत गरम तेलामध्ये त्यात जिरे आणि बारीक चिरलेला कांदा घालून सोनेरी होईपर्यंत परतून घ्या आता त्यात आले-लसूण पेस्ट मिक्स करा.
नंतर त्यात हळद, लाल तिखट आणि धणे पूड घाला. मसाले करपणार याची काळजी घ्या आता त्यात टोमॅटो घालून तो मऊ होईपर्यंत शिजवा.
मसाला छान शिजल्यावर त्यात अर्धा ते एक कप कोमट पाणी घाला ( चवीनुसार मीठ घाला आणि ग्रेव्हीला एक उकळी येऊ द्या.
उकळी आल्यावर त्यात परतून ठेवलेली अंडी आणि गरम मसाला घाला. झाकण ठेवून २-३ मिनिटे मंद आचेवर शिजू द्या. शेवटी भरपूर बारीक चिरलेली कोथिंबीर वरून टाका.