- बालाजी सुरवसे

धाराशिव जिल्ह्यातील वाशी शहरात पाणीपुरवठा सुरळीत करण्यात यावा व नागरीकांचे होणारे हाल थांबविण्याच्या मागणीसाठी स्वराज्य संघटनेच्या वतीने नगरपंचायत कार्यालयावर घागर मोर्चा काढण्यात आला. या माेर्चा महिला माेठ्या संख्येने सहभागी झाल्या हाेत्या.

वाशी येथे नगरपंचायत मार्फत करण्यात येणारा पाणी पुरवठा हा सुरळीत नाही. त्यामुळे टॅंकरचा आधार नागरीकांना घ्यावा लागत आहे. परिणामी आर्थिक बाेजा नागरिकांवर पडत आहे. तसेच अनेकांना पाण्यासाठी पायपीट करण्याची वेळ आली आहे.

त्यामुळे संतप्त झालेल्या स्वराज संघटनेच्या पदाधिकाऱ्यांनी थेट नगरपंचायत कार्यालयावर घागर मोर्चा काढला. यावेळी महिलांनी ठिय्या आंदोलन केले. दरम्यान आंदाेलकांचे गा-हणे ऐकण्यासाठी नगरपंचायत कार्यालयात कोणीही अधिकारी उपस्थित नव्हते. त्यामुळे फोनद्वारे संबधितांना पाणी सुरळीत करण्याची मागणी आंदाेलकांना करावी लागली.

Edited By : Siddharth Latkar